महापालिका निवडणुकीसाठी आमदार ढिकले यांच्याकडे निवडणूक प्रमुखपदाची जबाबदारी देण्यात आली होती. तीन दिवसांपूर्वी अचानक त्यांना या पदावरून हटवत आमदार प्रा. देवयानी फरांदे यांची या पदावर नियुक्ती करण्यात आली होती. त्यामुळे भाजपमधील एक गट नाराज झाला होता. त्यामुळे शहराध्यक्ष सुनील केदार यांनी देखील दोन्ही आमदार निवडणूक प्रमुख असल्याचे सांगितले, तर जलसंपदामंत्री व जिल्हाप्रभारी गिरीश महाजन यांनी देखील ढिकले यांना बाजूला केलेले नाही, तर त्यांच्याकडेदेखील जबाबदारी असल्याचे स्पष्टीकरण दिले होते.

दरम्यान, मुंबई महापालिकेत कमळ फुलविण्यासाठी भाजपने अखेर नाशिक महापालिकेतील ‘शंभर प्लस’चा नारा बाजूला ठेवत शिवसेना शिंदे गट आणि राष्ट्रवादी काँग्रेस अजित पवार गटासोबत महायुती करण्याचा निर्णय घेतला आहे. कुंभमेळामंत्री गिरीश महाजन यांनी शिंदे गटाचे मंत्री दादा भुसे, माजी खासदार समीर भुजबळ यांच्याशी महायुतीसंदर्भात शुक्रवारी (दि. १९) रात्री प्राथमिक केली. त्यानंतर तिन्ही पक्षांच्या वरिष्ठ नेत्यांची पहिली बैठक शनिवारी (दि.२०) रात्री झाली असून, यात जागावाटपावर चर्चा करण्यात आली. महायुतीमुळे भाजप, शिंदे गटाच्या जागावाटपाचे सूत्रही बदलणार असल्याचे चित्र आहे.
Vidhan Parishad : ठाकरेंच्या आमदारकीचे जेमतेम 5 महिने, विधान परिषदेत मविआचं संख्याबळ 7 ने घटणार, मोठा फटका बसण्याचे संकेत
महापालिका निवडणुकांची घोषणा केल्यानंतर गेल्या पावणेचार वर्षांपासून प्रतीक्षेत असलेले राजकीय पक्ष निवडणुकीच्या कामाला लागले आहेत. गेल्या वेळेस भाजपने शिवसेनेसोबतची युती तोडत स्वबळावर सत्ता मिळवली होती. यंदाही कुंभमेळामंत्री गिरीश महाजन यांनी ‘शंभर प्लस’चा नारा दिला आहे. यंदाच्या निवडणुकीत सर्वाधिक इच्छुकांचा ओढा भाजपकडे आहे. भाजपकडून निवडणूक लढण्यासाठी जवळपास १,०७७ जणांना तयारी दर्शवली आहे. परंतु, नाशिक महापालिका निवडणुकीत भाजप , शिवसेना शिंदे गट आणि राष्ट्रवादी अजित पवार गट एकत्रित निवडणूक लढतील, अशा स्पष्ट सूचना वरिष्ठ पातळीवरून देण्यात आल्या आहेत.
Sachin Dodke : ज्या नेत्याच्या प्रवेशावरून पुण्यातील 2 अण्णा भिडले अखेर त्याचा भाजप प्रवेश झालाच, शरद पवारांच्या विश्वासू नेत्यामुळे पडणार दरी?
भाजपचे प्रभारी जलसंपदामंत्री गिरीश महाजन व शिवसेनेकडून शिक्षणमंत्री दादा भुसे, आमदार सुहास कांदे यांच्यात शुक्रवारी (दि. १९) रात्री दोघांमध्ये चर्चा झाली. त्यानंतर महाजन यांनी माजी खासदार समीर भुजबळ, शहराध्यक्ष रंजन ठाकरे यांच्याशी चर्चा करत महायुती करण्याचा निर्णय घेतला आहे. त्यांनी तिन्ही पक्षांच्या स्थानिक नेत्यांना जागावाटपाबाबत चर्चा करण्याचे निर्देश दिले. त्यामुळे युती होऊ नये, या आशेवर असलेल्या दोन्ही पक्षातील इच्छुकांना पर्यायाची चाचपणी करावी लागणार असल्याचे चित्र आहे.