महापालिका निवडणुकीआधी भाजपाचा ‘सर्जिकल स्ट्राईक’, पिंपरी-चिंचवडमध्ये राष्ट्रवादीला खिंडार, बड्या नेत्यांची भाजपात उडी…
राज्यभरात महापालिका निवडणूक आचारसंहिता लागू झाली आहे. 15 जानेवारी रोजी मतदान आणि दि. 16 जानेवारी रोजी निकाल घोषीत होणार आहे. महापालिका निवडणुकीत भाजपा आणि राष्ट्रवादी अजित पवार गट स्वबळावर लढणार आहेत. त्या अनुषंघाने शहरात राजकीय फटाके फुटायला सुरुवात झाली आहे. त्यामुळे महापालिकेची निवडणूक ‘पिंपरी-चिंचवडचा दादा विरुद्ध बारामतीचा दादा’ अर्थात महेश लांडगे विरुद्ध अजित पवार अशी होणार असल्याचे चिन्ह आहेत.
दरम्यान आज झालेल्या प्रवेशांसाठी कोणत्याही स्थानिक नेत्याला पक्षश्रेष्ठींकडे विशेष ‘फिल्डिंग’ लावावी लागली नाही. त्यामुळे शहरातील निर्णय शहरात होतात, यावर शिक्कामोर्तब झाले आहे. आमदार महेश लांडगे यांनी भाजपा पिंपरी-चिंचवड शहराचे नेते म्हणून राष्ट्रवादीला मोठे खिंडार पाडले आहे.
दिव्यांग वधू वरांसाठी आनंदाची बातमी, अडीच लाखांचं अनुदान अन् … तुकाराम मुंडेंच्या निर्णयाने दिव्यांग पुनर्वसनाला ‘बूस्टर’
या प्रवेशावर आमदार महेश लांडगे यांना महाराष्ट्र टाईम ऑनलाईनशी बोलताना आपली ‘प्रतिक्रिया दिली आहे पिंपरी-चिंचवड महानगरपालिका सार्वत्रिक निवडणूक-2025-26 च्या निमित्त शहरातील सर्वपक्षीय मातब्बर नेते, पदाधिकारी, माजी नगरसेवक यांनी मुख्यमंत्री देवेंद्रजी फडणवीस यांच्या नेतृत्तवाखाली आणि प्रदेशाध्यक्ष रविंद्र चव्हाण यांच्या मार्गदर्शनाखाली भारतीय जनता पार्टीमध्ये अधिकृत प्रवेश केला. सर्व पिंपरी-चिंचवडकर मान्यवरांचे भाजपा परिवारात हार्दिक स्वागत करतो. देव-देश-धर्म अन् संस्कृतीसाठी कटिबद्ध राहून पिंपरी-चिंचवडमध्ये ’’विकासाभिमूख हिंदुत्वाच्या’ पिंपरी-चिंचवडमध्ये भारतीय जनता पार्टी निर्विवाद विजय मिळवण्याचा निर्धार आम्ही केला आहे. अशी प्रतिक्रिया या प्रवेशानंतर आमदार महेश लांडगे यांनी दिली आहे.
भारतीय जनता पार्टीत प्रवेश केलेले नेते कोण?
१) माजी महापौर शिवसेना ( उबाठा ) : संजोग वाघेरे पाटील
२) माजी अध्यक्ष, स्थायी समिती – उषा वाघेरे
३) राष्ट्रवादीचे माजी स्थायी समिती अध्यक्ष – प्रशांत शितोळे
४) राष्ट्रवादीचे माजी विरोधी पक्षनेते – विनोद नढे
५) राष्ट्रवादीचे माजी उपमहापौर – प्रभाकर वाघेरे
६) माजी उपमहापौर – राजू मिसाळ
७) उबाठा गटाचे नगरसेवक – अमित गावडे
८) उबाठा गटाच्या नगरसेविका – मीनल यादव
९) रवी लांडगे
१०) माजी नगरसेवक – संजय काटे
११) राष्ट्रवादीच्या माजी नगरसेविका – आशा सूर्यवंशी
१२) प्रविण भालेकर
१३) जालिंदर बापु शिंदे
१४) सचिन सानप (स्वतः व पत्नी)
१५) दादा सुखदेव नरळे (स्वतः व पत्नी)
१६) सदगुरु कदम
१७) समीर मासुळकर (स्वतः व पत्नी)
१८) डॉ. श्री सुहास कांबळे
१९) कुशाग्र कदम
२०) अशोक मगर
२१) नागेश गवळी
२२) प्रसाद शेट्टी – माजी नगरसेवक.
२३) नवनाथ जगताप – माजी स्थायी समिती अध्यक्ष.
२४) प्रभाकर वाघेरे – माजी उपमहापौर
लेखकाबद्दलसुनिल लाटेसुनिल प्रभाकर लाटे, हे एक पत्रकार आहेत. त्यांनी डॉ. बाबासाहेब आंबेडकर मराठवाडा विद्यापीठ येथून बी.ए व एम.ए. पत्रकारितेचं पदव्यूत्तर शिक्षण पूर्ण केलं आहे. कॉलेज जीवनातच ‘दैनिक दिव्य मराठी’मध्ये पत्रकारितेचं प्रत्यक्ष प्रशिक्षण घेतलं आहे. दोन वर्षे ‘लोकसत्ता डॉट कॉम’साठी ‘फोटोगॅलरी व वेबस्टोरी’ या विभागात काम केलं आहे. ते ६ ऑक्टोबर २०२५ पासून ‘महाराष्ट्र टाईम्स’ ऑनलाईनमध्ये कार्यरत आहेत. राजकारण, मनोरंजन, क्रीडा या विषयांच्या लिखाणात आवड आहे. याशिवाय काव्य लेखन, गीत लेखन आणि सादरीकरणातही स्वारस्य आहे. फोटोग्राफी, फोटो, व्हिडिओ संपादनातही खास रस आहे… आणखी वाचा