Fursungi-Uruli Devachi Municipal Council Election 2025: दोन डिसेंबर रोजी झालेल्या आणि आज होणाऱ्या मतदानाची मतमोजणी उद्या, रविवारी सकाळी दहा वाजता सुरू होणार आहे. रविवारी दुपारपर्यंत निकाल अपेक्षित आहे.
राज्यातील नगर परिषदांसाठी दोन डिसेंबर रोजी मतदान झाले. काही नगर परिषदा; तसेच प्रभागांसाठी आज, शनिवारी मतदान होणार आहे. उद्या, रविवारी सर्व नगर पालिकांचा निकाल जाहीर होणार आहे. मतदानाची वेळ सकाळी साडेसात ते सायंकाळी साडेपाचपर्यंत असून, राज्य निवडणूक आयोगाच्या आदेशानुसार मतदानापूर्वी मॉक पोल घेण्यात येईल. निवडणुकीचा प्रचार शुक्रवारी रात्री दहा वाजता थांबल्याने प्रचार केल्यास कारवाई करण्यात येणार आहे.
Pune Politics : ‘आयात उमेदवार नकोच’, मोहन भागवतांचा एकेरी उल्लेख करणाऱ्या ‘राहुल कलाटें’च्या भाजप प्रवेशाला विरोध
या निवडणुकीत अध्यक्षपदासाठी बारामतीमध्ये १४ आणि फुरसुंगी-उरुळी देवाची नगर परिषदेत सात उमेदवार आहेत. बारामती येथील ४१ जागांसाठी १५५ उमेदवार, फुरसुंगी-उरुळी देवाची येथील ३२ जागांसाठी १२० उमेदवार रिंगणात आहेत. दौंड येथील एका, लोणावळा येथील दोन आणि तळेगाव दाभाडे येथील पाच जागांसाठी निवडणूक होत आहे. सर्व मतदान केंद्रांसाठी दीड हजार अधिकारी आणि कर्मचारी यांची नियुक्ती करण्यात आली आहे. सर्व ठिकाणी पोलिस बंदोबस्त तैनात करण्यात आला आहे.
Pune Election : पिंपरी-चिंचवडमध्ये पक्षांतराचे वारे अन् नेत्यांचे इशारे! दादांच्या राष्ट्रवादीसोबत हात मिळवण्याची ‘मविआ’ची तयारी
बारामतीत प्रशासन सज्ज
बारामती नगर परिषदेसाठी १,०१,९९२ मतदार मतदानाचा हक्क बजावणार आहेत. यामध्ये पुरुष मतदार ५०,३८३, महिला मतदार : ५१,५९५ आणि इतर : १४ मतदार आहेत. मतदानाच्या वेळी केंद्रावर अतिरिक्त गर्दी होऊ नये यासाठी योग्य नियोजन करण्यात आले आहे. दिव्यांग व ज्येष्ठ नागरिक मतदारांसाठी आवश्यक त्या सर्व सुविधा मतदान केंद्रांवर उपलब्ध करून देण्यात आल्या आहेत. मतदानासाठी ६७५ कर्मचारी तैनात करण्यात आले आहेत. ‘निवडणूक शांततेत पार पडावी, कोणतीही अडचण निर्माण होऊ नये; तसेच मतदारांचा सहभाग वाढावा यासाठी प्रशासनाने पूर्ण तयारी केली आहे. मतदारांनी निर्भयपणे मतदानाचा हक्क बजावावा,’ असे आवाहन निवडणूक निर्णय अधिकारी संगीता राजापूरकर यांनी केले आहे.
Pune BJP: पुण्यात भाजपचं ‘मिशन 125’; शिंदेंच्या शिवसेनेला स्पष्टच सांगितलं; युतीच्या पहिल्या बैठकीत काय झालं?
राजकीय पक्षांनी मतदानावेळ आचारसंहितेचे पालन करून शांततेत पूर्ण प्रक्रिया पार पाडावी. मतदान आणि रविवारी होणाऱ्या मतमोजणीसाठी संपूर्ण यंत्रणा सज्ज आहे. मतदारांनी उत्स्फूर्तपणे मतदान करावे. – जितेंद्र डुडी, जिल्हाधिकारी आणि जिल्हा निवडणूक अधिकारी
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा