नाशिक सत्र न्यायालयानं माणिकराव कोकाटे यांना कनिष्ठ न्यायालयानं सुनावलेली शिक्षा कायम ठेवली. शासकीय कोट्यातली सदनिका लाटल्याप्रकरणी कोकाटे यांना २ वर्ष तुरुंगवास आणि १० हजार रुपयांच्या दंडाची शिक्षा ठोठावण्यात आलेली आहे. लोकप्रतिनिधी कायद्यानुसार २ वर्षे किंवा त्याहून अधिकची शिक्षा झाल्यास पद रद्द होतं. त्यामुळे कोकाटे यांची आमदारकी रद्द होऊ शकते. न्यायालयानं कोकाटे यांच्या विरोधात अटक वॉरंट जारी केलं आहे.
Manikrao Kokate : सर्वात मोठी बातमी! मंत्री माणिकराव कोकाटे यांचा राजीनामा स्वीकारला
न्यायालयानं काढलेलं वॉरंट नाशिक पोलीस आयुक्तालयाला पाठवण्यात आलं. वॉरंट मिळताच नाशिक पोलिसांचं पथक मुंबईच्या दिशेनं रवाना झालं आहे. त्यामुळे आता कोकाटे यांच्यावर अटकेची टांगती तलवार आहे. काल कोकाटे यांच्याकडे असलेली सगळी खाती काढून घेण्यात आली. ते बिनखात्याचे मंत्री झाले. यानंतर आज त्यांचं मंत्रीपदही गेलं. या सगळ्या घडामोडींनंतरही कोकाटे यांच्या अडचणी संपलेल्या नाहीत. आता लवकरच कोकाटे यांना अटक होण्याची शक्यता आहे. त्यामुळे कोकाटे यांच्या समोर नवं संकट आ वासून उभं आहे.
माणिकराव कोकाटे गोत्यात, मुंडे दिल्लीत; थेट अमित शहांची भेट; धनुभाऊंचं टायमिंग चर्चेत
माणिकराव कोकाटे यांनी त्यांचा राजीनामा त्यांचे पक्षप्रमुख आणि राज्याचे उपमुख्यमंत्री अजित पवार यांच्याकडे पाठवला. अजित पवारांनी तो राजीनामा मुख्यमंत्री देवेंद्र फडणवीस यांच्याकडे सुपूर्द केला. मुख्यमंत्र्यांनी कोकाटे यांचा राजीनामा स्वीकारलेला आहे. कोकाटे यांच्या राजीनाम्यासाठी सरकारवर बराच दबाव होता. न्यायालयानं शिक्षा सुनावलेली असताना एखादा व्यक्ती मंत्री कसा राहतो, हा न्यायालयाचा अपमान नाही का, असा सवाल विचारला जात होता.