पुणे: पुणे महापालिकेत भाजप अजित पवारांच्या राष्ट्रवादी काँग्रेससोबत लढणार नसल्याचं स्पष्ट झालं आहे. पुण्यात युती तुटल्याची घोषणा मुख्यमंत्री देवेंद्र फडणवीस यांनी केलेी आहे. त्यानंतर राष्ट्रवादी काँग्रेसमध्ये वेगवान घडामोडी सुरु झाल्या आहेत. दोन ते तीन दिवसांमध्ये दोन्ही राष्ट्रवादींकडून युतीकडून घोषणा होऊ शकते. मतांचं विभाजन टाळण्यासाठी शरद पवार आणि अजित पवारांचे पक्ष पुणे महापालिकेची निवडणूक सोबत लढवतील. पवार ब्रँड कायम राखण्यासाठी पुण्यात युती केली जाईल. तशा हालचाली सुरु असल्याची माहिती आहे.

पुणे, पिंपरी-चिंचवडमध्ये युती होणार नाही, असं भाजपकडून आधीपासूच सांगितलं जात होतं. त्यामुळे दोन्ही राष्ट्रवादी काँग्रेसनं परिस्थितीचा अंदाज घेत युतीची बोलणी सुरु केली. ही चर्चा आता अंतिम टप्प्यात आलेली आहे. येत्या दोन ते तीन दिवसांत दोन्ही राष्ट्रवादीकडून युतीची घोषणा होण्याची दाट शक्यता आहे. राष्ट्रवादी काँग्रेसमधील विश्वसनीय सुत्रांनी याबद्दलची माहिती दिली आहे.
Pune News : इकडे महापालिका निवडणुकांची घोषणा! पुण्यात भाजप-राष्ट्रवादी एकत्र लढणार?; CM देवेंद्र फडणवीसांनी थेट सांगितलं
दोन्ही राष्ट्रवादी काँग्रेसमधील प्रमुख नेते युती संदर्भात चर्चा करत आहेत. यामध्ये दोन्ही पक्षांचे अध्यक्ष म्हणजेच शरद पवार आणि अजित पवार , दोन्ही पक्षांचे प्रदेशाध्यक्ष म्हणजेच सुनील तटकरे, शशिकांत शिंदे यांचा समावेश आहे. २०१७ मध्ये पुणे महापालिकेची अखेरची निवडणूक झाली. त्यात भाजपनं ९७ जागा जिंकत स्पष्ट बहुमत मिळवलं. तर राष्ट्रवादी काँग्रेस ३९ जागांसह दुसऱ्या स्थानी राहिली.

२०२९ मध्ये स्वबळावर निवडणूक लढवण्याची तयारी भाजपकडून सुरु करण्यात आली आहे. त्याचाच भाग म्हणून भाजपनं आतापर्यंत स्वबळावर जिंकलेल्या निवडणुकांमध्ये मित्रपक्षांना सोबत न घेता मोर्चेबांधणी सुरु केली आहे. मित्रपक्षांना दूर लोटण्यास भाजपनं सुरुवात केल्यानं पवार कुटुंबियांनी चाणाक्षपणे युतीच्या हालचाली सुरु केल्या. पवार ब्रँड राजकारणात टिकवायचा असल्यास सोबत येण्याशिवाय पर्याय नाही, याची जाणीव दोन्ही पक्षश्रेष्ठींना आहे. त्यामुळेच युतीच्या दृष्टीनं तयारी सुरु झाली आहे. त्यासाठीची चर्चा अंतिम टप्प्यात आली आहे.
दिल्लीत राजकीय घडामोडींना वेग; भाजपच्या गोटात लक्षवेधी हालचाली, पुढचे 4 दिवस महत्त्वाचे, कारण…
लोकसभेला थोरल्या पवारांनी १० पैकी ८ जागा जिंकून ताकद दाखवून दिली. त्यावेळी धाकले पवार मागे फेकले गेले. पण विधानसभेत धाकट्या पवारांनी वर्चस्व सिद्ध केलं. तर शरद पवारांच्या पक्षाचं पानीपत झालं. तेव्हापासून दोन्ही पवारांनी सोबत यावं, असा सूर दोन्ही पक्षात उमटू लागला. तसे बॅनरदेखील अनेक ठिकाणी झळकले. आता कार्यकर्त्यांची हीच इच्छा लवकरच पूर्ण होताना दिसत आहे. मुख्यमंत्री फडणवीस यांनी पुण्यात राष्ट्रवादी काँग्रस सोबत युतीत लढणार नसल्याचं स्पष्टपणे सांगितलं आहे.