प्रेमामध्ये समर्पण असतं. प्रेम ही भावना फार वेगळी आहे. पण काही जणांना ते समजत नाही. ते रागाच्या भरात नको ते कृत्य करतात आणि प्रेमालाही बदनाम करतात. पुणे जिल्ह्यातील पुरंदर तालुक्यातही अशीच एक धक्कादायक घटना समोर आली आहे. प्रेयसीसोबत लग्न केलं म्हणून एका तरुणाने प्रेयसीच्या पतीचा निर्घृण खून केला आहे. या घटनेमुळे पुरंदर तालुका हादरला आहे.
जेजुरी पोलिसांकडून मिळालेल्या माहितीनुसार, मयत दीपक जगताप यांचा अवघ्या एक महिन्यापूर्वी वाघापूर (ता. पुरंदर) येथील पायल अमोल कांबळे हिच्याशी प्रेम विवाह झाला होता. दीपक हा उरुळी कांचन येथील एका खासगी गॅरेजमध्ये नोकरीला होता. विवाहानंतर काही दिवसांतच तो पत्नीसह उरुळी कांचन येथे राहण्यास गेला होता. दरम्यान, पायलचा पहिला प्रियकर असलेल्या सुशांत मापारी याला या विवाहाचा प्रचंड राग होता. गेल्या महिनाभरापासून तो दीपक आणि पायल यांना सतत फोन आणि व्हॉट्सअॅप कॉल करून धमक्या देत होता. मीच पायलशी लग्न करणार होतो, तुम्ही दोघांनी लग्न का केलं? असे म्हणत तो दीपकला जीवे मारण्याची धमकी देत असल्याची माहिती दीपकने आपल्या कुटुंबीयांनाही दिली होती.
दीपक आपल्या पत्नीला घेऊन शनिवारी १३ डिसेंबर रोज राजेवाडी येथे आला होता. पत्नीला माहेरी सोडून परत जात असताना सुशांत मापारी याने दीपकला वारंवार फोन केले. पायलचा मोबाईल माझ्याकडे आहे, तो घ्यायला ये. बसून सगळा वाद मिटवू, असे सांगत त्याला भेटीस बोलावले. या बहाण्याने दीपक माळशिरस हद्दीतील रामकाठी शिवारात गेला. याच ठिकाणी आरोपी सुशांत मापारी याने अचानक कोयता काढून दीपकच्या डोक्यावर, मानेवर आणि पायांवर सपासप वार केले. गंभीर जखमी झालेल्या दीपकचा जागीच मृत्यू झाला. खून केल्यानंतर आरोपीने कोयता घटनास्थळीच टाकून पलायन केले.
दीपक रात्री उशिरापर्यंत घरी न पोहोचल्याने आणि त्याचा मोबाईल बंद आल्याने नातेवाईकांनी शोधाशोध सुरू केली. अखेर माळशिरस गावच्या रामकाठी शिवारात रक्ताच्या थारोळ्यात दीपकचा मृतदेह आढळून आला. घटनास्थळी दीपक आणि आरोपी यांच्या दुचाकीही आढळून आल्या.
या प्रकरणी दिपकचा मामा संतोष शेंडकर (रा. चांबळी, ता. पुरंदर) यांनी जेजुरी पोलीस ठाण्यात फिर्याद दाखल केली आहे. घटनेची माहिती मिळताच सासवड उपविभागीय पोलीस अधिकारी राजेंद्रसिंह गौड तसेच बारामती विभागाचे अप्पर पोलीस अधीक्षक गणेश बिरादार यांनी घटनास्थळी भेट देऊन पाहणी केली आणि तपासाबाबत पोलिसांना सूचना दिल्या.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा