यावेळी देशातले अनेक सुपरस्टार्स, राजकारणीही पाहायला मिळाले. टायगर श्रॉफ, अजय देवगण यांसारखे अनेक दिग्गज उपस्थित होते. यावेळी चाहत्यांनीही प्रचंड गर्दी केली होती.

महाराष्ट्र सरकारचा ‘प्रोजेक्ट महादेव’ हा एक महत्त्वाकांक्षी क्रीडा उपक्रम आहे. या उपक्रमाचा उद्देश राज्यातील खेळाडूंना प्रोत्साहन देणे आणि त्यांना आंतरराष्ट्रीय स्तरावर घडवणे हा आहे. या प्रकल्पासाठी देशभरातून ६० प्रतिभावान खेळाडूंची निवड करण्यात आली आहे. या खेळाडूंना उत्कृष्ट प्रशिक्षण आणि सुविधा पुरवल्या जाणार आहेत. दरम्यान, मेस्सीच्या आगमनाने खेळाडू आणि चाहत्यांमध्ये प्रचंड उत्साह संचारला होता.

Eknath Shinde: इलाका, धमाका, ते ‘रेहमान डकैत’; धुरंधरमधले डायलॉग वापरत एकनाथ शिंदेंकडून उद्धव ठाकरेंवर जोरदार टीका

या उद्घाटन सोहळ्याला क्रिकेटचा देव सचिन तेंडुलकर खास उपस्थित होता. त्याने यावेळी मेस्सीला खास गिफ्टही दिलं आहे. ते म्हणजे संपूर्ण जगाला प्रिय असणार्‍या 10 क्रमांकाची त्याची जर्सी. सचिनने त्याची स्वाक्षरी असलेली ही जर्सी मेस्सीला वानखेडे मैदानावर गिफ्ट दिली. दरम्यान, लियोनेल मेस्सीनेही लगेचच मास्टर ब्लास्टरला फिफा विश्वकप सामन्यांमधला त्याची स्वाक्षरी केलेला फुटबॉल गिफ्ट केला आहे. हा क्षण पाहताच क्रिडा प्रेमींनी एकच जल्लोष केला.

सचिनची मराठीतून मनोगतला सुरुवात

दरम्यान, यावेळी सचिनने त्याचं खास मनोगतही व्यक्त केलं. विशेष बाब म्हणजे सचिन यावेळी मराठीतून बोलला. तो म्हणाला, “कसंकाय मुंबई, आपण मुंबईत आहोत. तुम्हा सर्वांनी मेस्सीचं जे खास स्वागत केलं आहे, त्यासाठी धन्यवाद. मुंबई स्वप्न पूर्ण करणारी नगरी आहे. मी वानखेडेवर अनेक अविस्मरणीय क्षण अनुभवले आहेत. याच मैदानावर अनेक स्वप्नांनी आपली ध्येयरेषा गाठली. तुमच्या पाठिंब्याशिवाय २०११ साली या मैदानावर आपण तो सुवर्णक्षण अनुभवू शकलो नसतो. आज मुंबईत या तिघांनी एकत्र उपस्थित असणं हा क्षणही खास झाला आहे.

मी मेस्सीबद्दल काय बोलू, त्याच्या खेळाबद्दल बोलण्यासाठी हे योग्य व्यासपीठ नाही.. त्याने काय साध्य केलेलं नाही? सर्वकाही मिळवलं आहे. त्याच्या कारकीर्दीत त्याने जे काही मिळवलं आहे ते सर्व मेहनतीच्या जोरावर, त्याच्या मेहनत, जिद्द आणि समर्पणाचं कौतुक. मी मेस्सीला आणि त्याच्या कुटुंबाला चांगले आरोग्य लाभो अशा शुभेच्छा देतो तसेच सर्वांचे आभार मानतो, तू इथे आलास आमच्या खेळाडूंना प्रेरणा दिलीस त्यासाठी धन्यवाद. तुझ्या खेळाकडे पाहून भारतातले फुटबॉलपटूही उत्कृष्ट कामगिरी करतील, अशी मला खात्री आहे.”