नागपूरमध्ये गेल्या आठवड्याभरापासून हिवाळी अधिवेशन सुरू आहे. या अधिवेशनात अनेक महत्त्वाचे निर्णय घेण्यात आले असून, आज अधिवेशनाचा शेवटचा दिवस आहे. त्यामुळे सत्ताधारी आणि विरोधकांमध्ये सभागृहात खडाजंगी होण्याची शक्यता आहे. दरम्यान, मुंबई झोपडपट्टीमुक्त करण्याच्या दिशेने सरकारने मोठे पाऊल उचलले आहे. उपमुख्यमंत्री एकनाथ शिंदे यांनी शनिवारी विधान परिषदेत मुंबईतील १७ ठिकाणी ‘एसआरए समूह पुनर्विकास’ प्रकल्प राबवण्यात येणार असल्याची घोषणा केली.