काय घडलं?
लोकमान्यनगर येथे लक्ष्मी पार्क फेज एकसमोर मैत्री पार्क सोसायटी असून याठिकाणी करुमेदेव सोसायटी ही सात मजली १६ वर्षे जुने बांधकाम असलेली इमारत आहे. या इमारतीत ५३ खोल्या असून इमारतीच्या गच्चीत कलावती वर्मा यांचे घर आहे. या घरात तीन वर्षांपासून मनोज मोरे (४५) हे कुटुंबीयांसह भाड्याने राहतात.
Badlapur Crime : अटक झाली हल्ल्याच्या गुन्ह्यात, कबुली दिली 3 वर्षापूर्वी केलेल्या कांडाची; नीरजा आंबेकरांच्या मृत्यूचं धक्कादायक वास्तव कसं समोर आलं?
शनिवारी पहाटे मोरे कुटुंबीय झोपेत असताना त्यांच्या घराच्या हॉलचे प्लास्टर कोसळले. त्यावेळी याठिकाणी चार व्यक्ती झोपल्या होत्या. यात अर्पिता मोरे (४२) यांच्या डोक्याला व आरुष मोरे (१६) यांच्या दोन्ही पायांना किरकोळ दुखापत झाली. तर, मनोज मोरे यांच्या छातीला दुखापत झाल्याने जबर जखमी अवस्थेत त्यांना नजीकच्या खासगी रुग्णालयात उपचारासाठी दाखल करण्यात आले. मात्र डॉक्टरांनी त्यांना मृत घोषित केले. या घटनेची माहिती मिळताच महापालिकेचे उपायुक्त दिनेश तायडे यांच्यासह अधिकाऱ्यांनी दुर्घटनास्थळाची पाहणी केली. या इमारतीचे स्ट्रक्चरल ऑडिट करण्याचे निर्देश दिल्याचे त्यांनी सांगितले.

Cyber Alert! एका क्लिकमध्ये होणार बॅंक अकांऊट रिकामं? Fake लिंकपासून सावध रहा, डोंबिवलीत लाखोंची फसवणूक
नवीन घरात राहिला जाण्याआधीच अनर्थ…
भांडुप येथे स्वतःच्या घराचे पुनर्विकासाचे काम सुरू असल्याने मोरे कुटुंबीय लोकमान्यनगर येथील करुमेदेव सोसायटीत भाड्याने राहत होते. मात्र शुक्रवारची रात्र मोरे कुटुंबीयांसाठी काळरात्र ठरली. या भागात अशा धोकादायक स्थितीतील घरांमध्ये हजारो नागरिक राहतात.