समोर चालणाऱ्या अज्ञात बैलगाडीला दुचाकीचा धक्का लागल्याने मोटरसायकल अचानक थांबली. यावेळी पाठीमागे बसलेल्या कोमल गवई या रस्त्यावर पडल्या. समोरून जालना कडे जाणारा ट्रक क्रमांक एम एच 21 वी डब्ल्यू 33 44 ने महिलेच्या अंगावरून गेल्याने त्यांचा जागीच मृत्यू झाला. अपघातात लहान मुलगा आणि प्रमोद गवई दोघेही बचावले. घटनेची माहिती मिळताच किनगाव राजा पोलीस स्टेशनचे अधिकारी घटनास्थळी दाखल झाले. पंचनामा करून मृतदेह पुढील तपासणीसाठी सिंदखेड राजा येथे पाठविण्यात आला आहे. ट्रक चालक अज्ञात असून अद्याप गुन्हा दाखल करण्यात आला असून पुढील तपास काम सुरू होते.
Buldhana Accident : अमरावतील महिला मजुरांचा दुर्दैवी अंत, दोघींचा जागीच मृत्यू तर पाच जणांची मृत्यूशी झुंज, बुलढाण्यात भीषण अपघात

सैन्यातून सुट्टी मिळाली म्हणून आले होते घरी…

सध्या भारतीय सैन्यात असलेले प्रमोद हे सुट्टीवर आले होते. आपल्या परिवारासोबत काही दिवस आनंदाचे क्षण घालवत होते. मात्र पत्नीसोबतची सुट्टी शेवटची ठरणार असं कोणाच्या ध्यानीमनी नव्हतं. मात्र घडलेली ही घटना संपूर्ण पंचक्रोशीत मित्रपरिवार नातेवाईकांमध्ये सर्वांना स्तब्ध करून टाकणारी आहे.
Buldhana Accident : हायवेवरून गाडी विहिरीत, दाम्पत्य ४८ तास बेपत्ता, गाडीसह बॉडी सापडलेल्या, बुलढाणा अपघातानंतर विहिरीबाबत प्रशासनाचा मोठा निर्णय

दुसऱ्या एका घटनेत रस्ता ओलांडांना युवकाचा मृत्यू…

नांदुरा रोडवर स्थानिक कृषी उत्पन्न बाजार समिती समोर रात्री सात ते आठच्या दरम्यान अपघात झाला. मोटरसायकल अपघातामध्ये अनुप खर्चे (वय वर्ष 30) याचा दुर्दैवी मृत्यू झाला. फक्त रस्ता ओलांडून घरी जाण्याचं ठरलं निमित्त. दहा डिसेंबर रोजी अनुप खर्चे हा सायंकाळी सात ते आठ वाजेच्या दरम्यान घराकडे येत असताना त्याच्या दुचाकीला जोरदार अपघात झाला.कृषी उत्पन्न बाजार समिती जवळच्या धोकादायक वळणावर ही घटना घडली. या अपघातात अनुप खर्चेला मारू लागला त्याला त्वरित बुलढाणाकडे पाठविण्यात आले. परंतु त्याची प्राणज्योत मालवली. त्याच्यासोबत असलेले समाधान घडेकर हे यात गंभीररित्या जखमी झाले. त्यांची देखील प्रकृती नाजूक असल्याचे सांगण्यात येते. मृतक अनुप खर्चे हा तरुण उत्कृष्ट पद्धतीने शेती करणारा तरुण म्हणून परिसरात त्याची ओळख. त्याच्या पश्चात पत्नी एक मुलगा आई वडील व भाऊ असा परिवार आहे त्याच्या अचानक झाल्याने सर्वत्र हळहळ व्यक्त होत आहे.