विमानतळ पोलिसांनी दिलेल्या माहितीनुसार, ही घटना ८ डिसेंबर २०२५ रोजी सायंकाळी साडेपाच ते साडेसहा वाजण्याच्या दरम्यान घडली. पीडित मुलगा विमाननगर येथील एका प्रसिद्ध पियानो अकादमीमध्ये शिकतो. घटनेच्या दिवशी त्याचा नियमित क्लास नव्हता, पण तो सरावासाठी अकादमीत गेला होता. मुलगा एकटाच सराव करत असताना, अनिल नावाच्या सफाई कामगाराने संधी साधली. त्याने मुलाला पकडले आणि त्याच्यासोबत जबरदस्तीने अश्लील चाळे करत लैंगिक छळ केला.

Mumbai News: 40 हजार पोलिसांची स्वप्नपूर्ती! फडणवीस सरकारची मोठी घोषणा; आता मिळणार….

अगदी आयुष्याच्या कोमल टप्प्यावर व शिकण्याच्या वयात अशा भयानक अनुभवाला सामोरे जावे लागल्याने मुलगा प्रचंड घाबरला. अकादमीतून घरी परतल्यावर, घाबरलेल्या मुलाने रडत रडत आपल्या आईला सर्व घडलेला प्रकार सांगितला. आपल्या मुलासोबत घडलेला हा संतापजनक प्रकार ऐकून आईला मोठा धक्काच बसला. त्यांनी अजिबात वेळ न घालवता थेट विमानतळ पोलीस ठाण्यात धाव घेतली आणि आरोपी अनिल विरोधात तक्रार दाखल केली. पोलिसांनी आरोपीविरुद्ध गुन्हा नोंदवला असून, सहायक पोलीस निरीक्षक करपे या प्रकरणाचा कसून तपास करत आहेत.

या घटनेमुळे पालकांमध्ये भीतीचे वातावरण पसरले आहे. मुलांच्या सुरक्षिततेचा प्रश्न पुन्हा एकदा ऐरणीवर आला आहे. अशा घटना पुन्हा घडू नयेत यासाठी कठोर उपाययोजना करण्याची मागणी जोर धरू लागली आहे. अकादमी व्यवस्थापनाची जबाबदारी आणि कर्मचाऱ्यांची पार्श्वभूमी तपासण्याची गरजही व्यक्त केली जात आहे. पोलिसांनी तातडीने कारवाई करत आरोपीविरुद्ध गुन्हा दाखल केला आहे पण या घटनेचे पडसाद समाजात उमटत आहेत.