अशोका मार्ग येथे ही तरुणी उभी असताना उमेश नावाचा संशयित तरुण तेथे आला. त्याने “दीदी, चल, तुला घरी सोडतो,” असे सांगून त्याचा मित्र रॉकी चालवीत असलेल्या एमएच १५ जीपी २७६७ या क्रमांकाच्या पांढऱ्या रंगाच्या अॅक्टिव्हा मोपेडवर पीडितेला बळजबरीने बसविले. त्यानंतर संशयित आरोपी उमेश याने त्याच्या हातातील गुंगीकारक शीतपेय पीडितेला पिण्यास दिले. ते शीतपेय प्याल्यानंतर पीडितेला नशा झाली.

अमित शाहांचं 102 तापात राहुल गांधींना तडाखेबाज उत्तर, पीएम मोदींकडून कौतुक; पण विरोधीपक्षनेत्यांचा सभात्याग, नेमकं काय घडलं?

त्या नशेमध्ये आरोपी उमेश याने पीडितेला तपोवन येथे निर्जनस्थस्थळी नेऊन तिच्यावर बळजबरीने बलात्कार केला व या कामात त्याचा मित्र रॉकी याने उमेशला मदत केली. ही पीडिता सकाळी शुद्धीवर आल्यानंतर बलात्कार झाल्याची बाब तिच्या लक्षात आली. हा प्रकार दि.१० डिसेंबर रोजी रात्री साडेअकरा ते दि. ११ डिसेंबर रोजी सकाळी ८ वाजेच्या दरम्यान तपोवनातील निर्जनस्थळी घडला. तर या प्रकरणी मुंबई नाका पोलीस ठाण्यात संशयित उमेश व रॉकी यांच्याविरुद्ध बलात्काराचा गुन्हा दाखल करण्यात आला आहे.

हातात शस्त्र मिरवत एकाकडून दहशत माजवण्याचा प्रयत्न

नाशिक : नाशिकच्या वणी (ता. दिंडोरी) इथल्या जगदंबा देवी मंदिर परिसरात नशेत धारदार शस्त्रे हातात घेऊन एकाकडून दहशत माजवण्याचा प्रयत्न करण्यात आला.हा संपूर्ण प्रकार येथील CCTV कॅमेरात कैद zL आहे. ८ ते १० युवकांनी मंदिर परिसरात आरडाओरडा, शिवीगाळ करत उच्छाद माजवला.दि.१२ डिसेंबर रोजी रात्री साडे नऊ वाजेच्या सुमारास हा संपूर्ण प्रकार घडला.

या संदर्भात श्री. सप्तश्रृंग देवी ट्रस्टच्या अध्यक्ष राजेंद्र थोरात आणि आदींनी पोलिसांकडे याबाबत तक्रार अर्ज दाखल केल्यानंतर वणी पोलिस ठाण्यात गुन्हा दाखल करण्यात आला आहे.घटनेची माहिती घेत पोलिसांनी एकाला ताब्यात घेत गुन्हेगारी प्रवृत्तीला आळा बसावा म्हणून संशयित आरोपीची धिंड काढून शहरभर फिरवले. पोलिस ठाण्यातून सुरुवात करून मुख्य रस्ते, बाजारपेठ ते जगदंबा मंदिर अशी धिंड या संशयिताची काढण्यात आली.