अमुलकुमार जैन, रायगड : रायगड जिल्हा पोलीस अधीक्षक कार्यालयाच्या लेखा शाखेत कोट्यवधी रुपयांच्या अपहाराचा धक्कादायक प्रकार उघड झाला असून, या गैरव्यवहारामागे निवृत्त पोलीस उपनिरीक्षक राम जाधव यांचा मुलगा राजेश राम जाधव हाच मुख्य सूत्रधार असल्याचे तपासात समोर आलं आहे. अलिबाग पोलिसांनी राजेश जाधव आणि त्यांची पत्नी रिया जाधव यांना अटक करून आज अलिबाग न्यायालयात हजर केले असता त्यांना सात दिवसांची पोलीस कोठडी सुनावण्यात आली. ही माहिती अलिबाग पोलीस ठाण्याचे निरीक्षक किशोर साळे यांनी दिली.

निवृत्त पोलिसांचा मुलगाच सूत्रधार

राजेश जाधवयांची नियुक्ती 2021 साली झाली होती. त्यानंतर माजी अधीक्षक अशोक दुधे आणि सोमनाथ घार्गे यांच्या काळातही त्यांचा हा कारनामा उघडकीस आला नव्हता. मात्र, विद्यमान अधीक्षक आंचल दलालयांना पोलीस पाटील मानधनाच्या स्वाक्षरीसाठी आलेल्या फाईलमध्ये गंभीर अनियमितता जाणवताच त्यांनी लेखा विभागास तातडीची चौकशी करण्याचे आदेश दिले. तपासात तब्बल 1 कोटी 78 लाख 29 हजार 300 रुपयांचा अपहार झाल्याचं समोर आलं.

‘त्या’ मंत्र्यांवर बिबट्या सोडा, सुधीर मुनगंटीवार सभागृहात प्रचंड आक्रमक, नेमकं काय घडलं?

1 कोटी 5 लाख 96 हजार रुपयांचा घोटाळा

फिर्यादी संदीप सखाराम जाधव यांनी दिलेल्या तक्रारीनुसार, राजेश जाधव यांनी संपूर्ण रायगडातील पोलीस पाटील मानधन प्रक्रियेत मोठा गैरव्यवहार करत बनावट नावं तयार केली, नाट्यपूर्ण हजेरी दाखवली आणि बनावट देयके कोषागारातून पास करून स्वतःच्या आणि इतर खात्यांमध्ये जमा केली. त्यांच्या पत्नी रिया जाधव यांनी पोलीस पाटील नसतानाही स्वतःला पात्र ठरवून तब्बल 1 कोटी 5 लाख 96 हजार रुपये काढल्याचा आरोप आहे.

सखोल चौकशी सुरु, गुन्हा दाखल

काही पोलीस पाटील यांच्या नावांनी पुनःपुन्हा देयके काढणे, अस्तित्वात नसलेल्या पाटीलांची नावे यादीत टाकणे, तसेच मानधन थेट स्वतःच्या खात्यात वळवणे, असे गंभीर प्रकार घडल्याचं चौकशीत समोर आलं आहे. याप्रकरणी अलिबाग पोलीस ठाण्यात गुन्हा क्रमांक 247/2025 नोंदवून कलम 316(5), 318(2), 318(4), 336(3), 337, 338, 339, 344 अंतर्गत गुन्हा दाखल झाला आहे. तपास निरीक्षक किशोर साळे यांच्या मार्गदर्शनाखाली सुरू आहे.

Nagpur Urvashi Bar Video : बिलाची मागणी करताच राग, मध्यरात्री ‘उर्वशी’ बारमध्ये गुंडांची तोडफोड, नागपुरात सिनेस्टाइल राडा; VIDEO

दरम्यान, या भ्रष्टाचारामुळेपोलीस खात्याची प्रतिमा मलिन झाल्याची प्रतिक्रिया स्थानिक पातळीवर उमटत असून, ‘जनतेचे रक्षण करणाऱ्या खात्यातच एवढा मोठा गैरव्यवहार? हे जनविश्वासाला खोल तडा देणारे आहे,’ अशी भावना नागरिकांमध्ये व्यक्त होत आहे. पोलीस अधीक्षक आंचल दलाल यांनी सांगितलं की, ‘सखोल तपास सुरू असून सर्व संबंधितांवर कायदेशीर कारवाई केली जाईल. भ्रष्टाचाराला कोणतीही मुभा नाही.’

लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा