Soham Chindarkar Death Case : आत्महत्या करण्यापूर्वी सोहमने आईच्या मोबाईलवरुन मुलीला मेसेज केल्याचे समोर आले आहे.
काय आहे प्रकरण?
सिंधुदुर्ग जिल्ह्यात कणकवली तालुक्यातील तरंदळे येथील तलावात युवक आणि युवतीचा मृतदेह आढळल्याची बातमी पसरताच खळबळ उडाली होती. मुलगा आणि मुलगी यांनी एकत्रितपणे तरंदळे येथील धरणाच्या पाण्यात उडी घेऊन आत्महत्या केल्याचा प्राथमिक अंदाज वर्तवला जात होता.
Ashutosh Sarkar : CCTV ची दिशा वळवून गाडीतील कपलचे खासगी क्षण पाहायचा, नवविवाहित जोडपी मुख्यमंत्र्यांकडे, आरोपी आशुतोष कोण?
आत्महत्या करणारा तरुण सोहम चिंदरकर याचा मोबाईल मंगळवारी दुपारच्या सुमारास हरवला होता. हाच मोबाईल शोधण्यासाठी तो सायंकाळी ७ वाजताच्या सुमारास चुलत्याची दुचाकी घेऊन घराबाहेर पडला होता. रात्री उशिरापर्यंत सोहम घरी न आल्याने कुटुंबीयांनी त्याची सगळीकडे शोधाशोध सुरु केली.
आईच्या मोबाईलवरुन मुलीला मेसेज
स्वतःचा मोबाईल नसल्याने आधी सोहमने आपल्या आईचा मोबाईल वापरला होता. याच मोबाईलवरुन त्याने एका मुलीला व्हॉट्सअप मेसेज करत ‘आपण तरंदळे धरणावर जाऊया’ असे सुचवले होते. हे मेसेज चिंदरकर कुटुंबीयांच्या वाचनात आल्यानंतर त्यांनी रात्रीच्या सुमारास काही जणांच्या मदतीने थेट तरंदळे धरण गाठले. त्या ठिकाणी बॅटरीच्या उजेडाच्या मदतीने शोध घेतल्यावर धरणाच्या पाण्यामध्ये सोहम आणि एक मुलगी असे दोघांचे मृतदेह आढळून आले अशी मोठी माहिती समोर आली आहे.Crime News : मी शरीरसंबंध ठेवू शकत नाही, लग्नाच्या पहिल्याच रात्री इंजिनिअर नवरदेवाची कबुली, तिसऱ्या दिवशी नववधू म्हणते, मला यांच्यापासून…
तलावाबाहेर दुचाकी उभी असल्याचं स्थानिक नागरिकांनीही पाहिलं होतं. या घटनेची माहिती मिळताच कणकवली पोलिसांचे पथक तातडीने घटनास्थळी दाखल झाले. पोलीस आणि स्थानिकांच्या मदतीने दोघांचेही मृतदेह बाहेर काढण्यात आले आहेत.
ही घटना मंगळवारी मध्यरात्री १.३० वाजताच्या सुमारास उघडकीस आली. या दोघांनीही इतके टोकाचे पाऊल का उचलले, हे अद्याप स्पष्ट झालेले नाही. मयत मुलगा सोहमचे वय २२ वर्षे असून मुलगी अल्पवयीन आहे. सोहम कलमठ परिसरातील तर मुलगी कणकवली शहर परिसरातील रहिवासी आहे. सोहम चिंदरकरच्या पश्चात आई, काका, काकी, चुलत भाऊ, तर मुलीच्या पश्चात आई, वडील, दोन बहिणी, आजी असा परिवार आहे.Solapur Crime : डॉ शिरीष वळसंगकर प्रकरणात 8 महिन्यांनी ट्विस्ट, मनिषा मुसळेंच्या वकिलाचा मोठा दावा, ‘पी राऊत’ नामक महिलेचे तीन फोन अन्…
सोहमच्या चुलत काकाने कणकवली पोलीस ठाण्यात या प्रकरणाची खबर दिली असून पोलिसांनी आकस्मिक मृत्यूची नोंद केली आहे. या प्रकरणाचा अधिक तपास कणकवली पोलीस करत आहेत.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा