अजय सपकाळ हे एकनाथ शिंदे यांच्या शिवसेनेचे वैद्यकीय कक्षाचे शहर प्रमुख आहेत. त्यांच्या वडिलांचं 28 नोव्हेंबर रोजी साडेबारा वाजता अल्सरचं ऑपरेशन होतं. याबाबत बोलताना त्यांनी सांगितलं, की ‘मी डॉक्टरांकडे माहिती घेऊन माझ्या वडिलांना रुग्णालयात ऍडमिट केलं होतं. दोन दिवसात व्यवस्थित होतील असं त्यांनी मला सांगितलं. 28 तारखेला ऑपरेशन झालं त्यानंतर दोन दिवसात माझे वडील व्यवस्थित झाले. दोन दिवसात ते शुद्धीवर आले होते. त्यांचं व्हेंटिलेटर काढलेलं होतं, त्यांनी आमच्यासोबत गप्पा मारल्या. दोन दिवस ऑपरेशन झालेल्या माणसाला तेथील डॉक्टरांनी खुर्चीवर बसवलं आणि 20 ते 25 टाक्यांपैकी त्यांचे सहा-सात टाके त्यावेळी तुटले. याबाबत डॉक्टरांनी आम्हाला कुठलीही कल्पना दिली नाही. त्यांच्या शरीरात इन्फेक्शन झालं असल्याचं सांगितलं आणि स्कॅन करायला घेऊन गेले.’
Pune Crime : ‘चल तुला शाळेत सोडतो…’ तरुणीला दुचाकीवरुन नेत दुष्कृत्य, घटनेने पुण्यात खळबळ
‘अल्सरचं ऑपरेशन झालेल्या रुग्णाच्या फुफुसात पाणी झाल्याचं डॉक्टरांनी सांगितलं नाही. केवळ इन्फेक्शन आहे इतकंच सांगत राहिले. डॉक्टरांनी चुकीची ट्रिटमेंट देऊन माझ्या वडिलांना मारल्याचा’, आरोप अजय सपकाळ यांनी केला आहे.

अजय सकपाळ यांच्या वडिलांच्या निधनानंतर ही तोडफोड करण्यात आली. तोडफोडीबाबत बोलताना अजय सकपाळ यांनी ‘तोडफोड कोणी केली याची आम्हाला कल्पना नाही, पण सर्वसामान्य माणसाला रोज या रुग्णालयाचं मारण्याचं काम आहे. हे इन्शुरन्सचे पैसे उकळतात आणि माणसं मारतात. जोपर्यंत हे रुग्णालय सील होत नाही आणि आम्हाला न्याय मिळत नाही, तोपर्यंत आम्ही इथून उठणार नाही’, असा पवित्रा सकपाळ यांनी घेतला आहे. ‘मी शिवसेनेचा शहर प्रमुख असतानाही एकनाथ शिंदे यांच्या कार्यकर्त्याला हा न्याय मिळत असेल तर सर्वसामान्यांचे काय हाल असतील?’, असा सवाल त्यांनी केला आहे.