दातकर यांनी १६० मिमीचा पाईप गावाला पाणीपुरवठा करणाऱ्या टाकीला अवैधरीत्या जोडला व त्याद्वारे स्वतःच्या घरात आणि शेतीमध्ये पाण्याचा वापर केला, असा आरोप करण्यात आला होता. या अवैध कनेक्शन संदर्भात सरपंचांनी पूर्वीच जिल्हाधिकारी यांच्याकडे तक्रार दाखल केली होती. त्यानंतर तत्कालीन कार्यकारी अभियंता आणि उपअभियंता स्थळ पाहणीसाठी आले असता अवैध नळजोडणी आढळून आली. मात्र त्या वेळी दातकर यांनी अरेरावी करून अधिकाऱ्यांना हाकलून दिल्याचा आरोप करण्यात आला.

त्यानंतर हे कनेक्शन तोडून १६० मिमी व्यासाच्या पाईपचा इनलेट भाग बंद करण्यात आला. सरपंच कल्पना पळसपगार यांनी गुन्हा दाखल करण्याचा सातत्याने पाठपुरावा केला होता. पोलीस ठाणे आणि जिल्हाधिकारी कार्यालयात निवेदन दिल्यानंतरही कारवाई न झाल्याने त्यांनी न्यायालयाचा दरवाजा ठोठावला. अखेर अकोट न्यायालयाने दहीहंडा पोलिसांना गुन्हा नोंदविण्याचे आदेश दिले आणि त्यानुसार गोपाल दातकर यांच्यावर गुन्हा दाखल करण्यात आला. जिल्हा परिषदेच्या निवडणुका जवळ आल्या असताना झालेल्या या कारवाईमुळे राजकीय वर्तुळात खळबळ उडाली आहे.

जालना हादरलं! विवाहित महिलेचा दिवसा ढवळ्या खून, शेतात ओढणीने गळा आवळून… गुन्हेगाराला दोन तासांत अटक, नेमकं काय घडलं?

यापूर्वीही झाला होता गुन्हा दाखल

अकोल्यातील ८४ खेड्यांच्या प्रादेशिक पाणीपुरवठा योजनेच्या कामावरून शिवसेना (उबाठा) चे जिल्हाध्यक्ष गोपाल दातकर यांनी फोनवरून जातीवाचक शिवीगाळ केली होती, अशी गंभीर तक्रार महाराष्ट्र जीवन प्राधिकरण (मजीप्रा)च्या उपविभागीय अधिकाऱ्यांनी केली होती. त्यांच्या तक्रारीच्या आधारे अकोट शहर पोलिस ठाण्यात दातकर यांच्या विरोधात एट्रोसिटी कायद्यानुसार तसेच बीएनएसचे कलम ३०८(२), ३५१(२) व २९६ अन्वये गुन्हा दाखल झाला होता.

अधिकाऱ्यांच्या तक्रारीनुसार, त्यांच्या दालनात एक सरपंच बसलेले असताना दातकर यांचा फोन आला. हिंगणी गावातील कामांच्या बाबत चौकशी करताना दातकर यांनी “५० लाखांचे काम होणार असल्यास पाच लाख रुपये द्यावे” अशी मागणी केली, असा आरोप आहे. पैसे देण्यास नकार दिल्यावर दातकर चिडले आणि संबंधित अधिकारी मागासवर्गीय असल्याचे माहित असतानाही अश्लील, जातीवाचक शिवीगाळ करून अपमानित केले, असा आरोप केला आहे.

त्या तक्रारीवरून अकोट पोलिसांनी अनुसूचित जाती-जमाती प्रतिबंधक अधिनियमासह इतर कलमान्वये गुन्हा नोंदवला होता.