राज्यात दितवा चक्रीवदळामुळे आलेली थंडीची लाट ओसरत आहे आणि तापमानातील गारवा आता कमी झाला आहे. दुसरीकडे, उद्यापासून नागपूरात हिवाळी अधिवेशनाला सुरुवात होत आहे. नगर परिषद आणि नगर पंचायत निवडणुकांमध्ये राज्य निवडणूक आयोगाने केलेल्या घोळाचा मुद्दा, उपमुख्यमंत्री अजित पवार यांचे पुत्र पार्थ पवार यांच्या मुंढव्यातील कथित बेकायदा जमीन खरेदीचा वाद, मंत्री संजय शिरसाट यांच्यावरील सिडको जमीन घोटाळ्याचे आरोप, तसेच साताऱ्यातील डॉ. संपदा मुंडे प्रकरणात भाजप नेत्यांवर सुरू असलेल्या कारवाईच्या मागण्या, या सर्व घडामोडींमुळे उद्यापासून सुरू होणारे हिवाळी अधिवेशन फडणवीस सरकारसाठी कसोटी ठरणार आहे.