काय आहेत आदेश?

हडपसर ते लोणी काळभोर आणि हडपसर बस डेपो ते सासवड रोड या दोन मार्गिकांना मुख्यमंत्र्यांच्या अध्यक्षतेखाली मंत्रालयात मंत्रिमंडळ पायाभूत सुविधा समितीच्या बैठकीत नोव्हेंबरच्या पहिल्या आठवड्यात मान्यता देण्यात आली होती. त्यानंतर राज्य सरकारने मान्यता दिल्याचा शासन आदेश गुरुवारी काढला. मेट्रोच्या हडपसर ते लोणी काळभोर आणि हडपसर बस डेपो ते सासवड रोड या दोन उपमार्गिका एकूण १६ किलोमीटर लांबीच्या असून, त्यात एकूण १४ उन्नत स्थानकांचा समावेश आहे. या दोन्ही उपमार्गिकांसाठी पाच हजार ७०४ कोटी रुपये खर्च येणार आहे. हडपसर ते लोणी काळभोर हा मार्ग ११.१०२ किलोमीटर लांबीचा असेल.
Super Commuter : विरार-बदलापूरवाल्यांना टफ फाईट, हा इंजिनिअर पहाटे 2 ला उठतो, पाच तास प्रवास करुन ऑफिसला जातो, 10 लाख घालवल्यावर म्हणतो…
हडपसर बस डेपो ते सासवड रोड हा मार्ग ५.५५७ किलोमीटर लांबीचा असणार आहे. या प्रकल्पासाठी पुणे महापालिकेने जमीन, भूसंपादन आणि पुर्नवसन यासाठी ४०३. ३६ कोटी रुपये महामेट्रोला देण्याचे निर्देश दिले आहेत. हे मार्ग डिसेंबर २०२९ पर्यंत पूर्ण करण्याची दक्षता महामेट्रो व महापालिकेने घ्यावी, असे आदेशात म्हटले आहे. या पूर्णतः उन्नत मेट्रो प्रकल्प महामेट्रोमार्फत करण्यात येणार आहे. या दोन्ही प्रकल्पांमुळे वाहतूक कोंडीपासून नागरिकांना दिलासा मिळेल.
Pune Metro : क्या बात है! पुण्यात स्वयंचलित मेट्रो धावणार, ‘लोकोपायलट’शिवाय 25 ट्रेन चालवण्याची तयारी

दुरुस्तीकामामुळे शाळेला सुट्टी

दुसरीकडे, ठाणे जिल्ह्यात मेट्रोच्या कामामुळे कल्याण येथे जलवाहिनी फुटल्याने पाणीपुरवठा विस्कळीत झाला, याशिवाय दुरुस्तीदरम्यान रस्ता खचण्याच्या भीतीने रस्ता वाहतुकीसाठी बंद करण्यात आला. त्यामुळे बैलबाजार चौकात असलेली के. सी. गांधी शाळा सलग तीन दिवस बंद ठेवावी लागली आहे. बुधवारपासून शुक्रवार असे तीन दिवस शाळा बंद राहिल्याने शाळा प्रशासनाने विद्यार्थ्यांसाठी पर्यायी मार्ग उपलब्ध करून देण्याची मागणी केली आहे.