पोलिसांनी स्थानिक महिलांच्या मदतीने वस्त्र घेऊन या ठिकाणी आडोसा केला. ताबडतोब दोघांना वस्त्रामध्ये अलगद गुंडाळून जे. जे. रुग्णालयात नेण्यात आले. डॉक्टरांनी बाळाची नाळ कापली आणि मातेपासून वेगळे केले. बाळ, बाळंतीण सुखरूप असल्याचे डॉक्टरांनी सांगताच पोलिस सुखावले.

नेमकं काय घडलं?

धारावी येथे वास्तव्यास असलेली ३६ वर्षीय माला नाडर ही गर्भवती महिला पतीसोबत शनिवारी डोंगरी परिसरातून चालली होती. अचानक पोटात दुखू लागल्याने माला या पदपथावर बसल्या, त्यांना चालताही येईना. स्थानिकांनी वेदनेने विव्हळत असलेल्या महिलेला पाहून डोंगरी पोलिसांना कळविले. डोंगरी पोलिसांच्या दोन गाड्या घटनास्थळी पोहोचल्या.

पोलीस कॉन्स्टेबलने आडोसा केला

असह्य प्रसूती वेदना होत असल्याने चालता येत नसल्याचे माला आणि तिच्या पतीने सांगितले. माला हिला या परिस्थितीत हलविणे धोकादायक असल्याची जाणीव पोलिसांना झाली. पोलिस कॉन्स्टेबल खडसे यांनी चादर तसेच इतर वस्त्रांची व्यवस्था केली. महिला पोलिस कॉन्स्टेबलनी चारही बाजूने आडोसा केला. याचदरम्यान माला हिने बाळाला जन्म दिला.

Crime News : विश्वासघाताची किंमत मृत्यू… लेडीज हॉस्टेलमध्ये बायकोला संपवलं, बॉडीसोबत सेल्फी काढून स्टेटसला फोटो, त्यानंतर…

बाळ बाळंतीणीला कपड्यात लपेटलं

प्रसूती झाल्यावर नाळ कापणे महत्त्वाचे होते. त्यामुळे महिला पोलिसांनी माला यांना बाळासह कपड्यात लपेटले. स्थानिक महिलांच्या मदतीने पोलिसांनी बाळ आणि बाळंतिणीला अलगद गाडीमध्ये ठेवले आणि जवळच्या जे. जे. रुग्णालयात नेले. डॉक्टरांनी वेळ न दवडता माला हिला दाखल करीत उपचार सुरू केले.

Pune Accident : हिंजवडी आयटी पार्कमध्ये तीन सख्ख्या भावंडांना चिरडलं, मायबापाचं विश्व उद्ध्वस्त, मद्यधुंद बस चालकाला पादचाऱ्यांचा चोप
सर्वप्रथम नाळ कापून बाळाला मातेपासून वेगळे करण्यात आले. पोलिसांनी वेळ न घालवता माला आणि तिच्या मुलास रुग्णालयात नेल्याने त्यांना वेळीच योग्य ते उपचार मिळाले. दोघेही सुखरूप असल्याचे डॉक्टरांनी सांगितल्यावर पोलिस प्रचंड खुश झाले.