दुचाकीला भीषण धडक

भाऊराव गोपाळ बुंधे (वय 22) व एकनाथ शांताराम भरसट (वय 23) अशी अपघातातील मृतांची नावे असून दोघेही मृतक तारापूर औद्योगिक क्षेत्रात मजुरीचे काम करीत होते. हे दोघे काल मुंबई- अहमदाबाद राष्ट्रीय महामार्गावर मुंबईहून गुजरातच्या दिशेने जात होते. त्यावेळी अचानक एका अज्ञात वाहनाने त्यांच्या दुचाकीला जोरदार धडक दिली. Pune News: पिंपरी चिंचवडमध्ये अवजड वाहनांवर कडक नियम लागू; वाहतूक पोलिसांची मोठी घोषणा, आजपासून अंमलबजावणी

मजुरांचा जागीच मृत्यू

धडकेनंतर दोघेही गंभीररित्या जखमी झाले. त्यामुळे दोघांचाही जागीच मृत्यू झाला. त्यात अपघातानंतर वाहन चालक घटनास्थळावरून फरार झाल्यामुळे त्यांना वेळेत मदतही नाही मिळाली. मंगळवारी सकाळच्या सुमारास हा अपघात घडला आहे. अपघाताचे माहिती मिळाल्यानंतर मनोर पोलीस घटनास्थळी दाखल झाले मृतदेह ताब्यात घेत घटनास्थळाचा पंचनामा करून मृतदेह शुभविच्छेदनासाठी मनोर ग्रामीण रुग्णालयात पाठवण्यात आले.

मनोर पोलीस ठाण्यात या अपघात प्रकरणी भारतीय न्यायसंहिता 2023 कलम 106(1), 281, 125(अ),125 (ख) आणि महाराष्ट्र मोटार वाहन अधिनियम 1989 च्या कलम 184, मोटार वाहन अधिनियम 1988 च्या कलम 134(अ), 134(च) अन्वये गुन्हा दाखल करण्यात आला आहे. अपघातानंतर फरार झालेल्या अज्ञात वाहन चालकाचा शोध मनोर पोलीस घेत आहेत. मुंबई-अहमदाबाद महामार्गावर घडलेल्या या भीषण अपघातामुळे परिसरात चिंतेचे वातावरण निर्माण झाले आहे. वाहनचालकाचा शोध घेऊन त्याच्यावर कारवाई केली जाईल असे आश्वासन मनोर पोलिसांनी यावेळी दिले आहे.

पुण्यात अपघातांचे वाढते प्रमाण

पुण्यात दोन दिवसांपूर्वी एका खासगी बसने 5 विद्यार्थ्यांना धडक दिल्यामुळे त्यापैकी तिघांचा मृत्यू झाला होता. पुण्यात अपघाताचे वाढते प्रमाण पाहून, पुणे वाहतूक पोलीस आणि PMRDA ने मिळून बऱ्याच नियमावली लागू केल्या आहेत. यामुळे अपघातांचे प्रमाण कमी करण्याच्या त्यांच्या उद्देश्य आहे.