नेमकं काय घडलं?

काल मंगळवारी दुपारी साडेतीनच्या सुमारास ही दुर्दैवी घटना घडली असून, सीपीआर रुग्णालयाच्या पोलीस चौकीत या घटनेची नोंद झाली आहे. मिळालेल्या माहितीनुसार, रवींद्र जाधव यांच्या तीन मजली आरसीसी घराच्या टेरेसवर नवीन सोलर पॅनल बसविण्याचे काम सुरु होते. त्यासाठी आवश्यक लोखंडी पाईप दोरीने बांधून खालून वर चढवल्या जात होत्या. जाधव हे स्वतः पाईप ओढत असताना एक पाईप हातात पकडताच ती तिरकी होऊन रस्त्यावरील महावितरणच्या मुख्य विद्युतवाहक तारेला चिकटली. विजेचा प्रचंड धक्का बसल्याने त्यांनी आरडाओरडा केला आणि हातातील पाईप सोडून खाली कोसळले. हा प्रकार पाहताच त्यांच्या ओळखीचा तरुण सौरभ साळुंखे हा जिन्यातून टेरेसवर धावला. मदत करण्याच्या प्रयत्नात त्यालाही विजेचा धक्का बसला, मात्र तो जाधव यांना चिकटला नाही. गल्लीतील शेजाऱ्यांनी तात्काळ खासगी वाहनाने दोघांनाही सीपीआरमध्ये दाखल केल्. डॉक्टरांनी जाधव यांना मृत घोषित केल्, तर साळुंखे यांची प्रकृती आता स्थिर आहे.

Kolhapur Crime: बिस्कीट- गोळ्यांचं आमिष, अल्पवयीन मुलीचा महिनोंमहिने पाठलाग; नराधम वृद्धाचा संतापजनक प्रकार, महिलांनी चोपला तर पोलिसांनी…

परिसरातील प्रतिष्ठित व्यक्ती होते रवींद्र जाधव..

रवींद्र जाधव हे पिण्याच्या पाण्याच्या बॉटल्स विक्रीचा व्यवसाय करत होते. परिसरातील प्रसिद्ध शिवाजी तालिमचे ते माजी अध्यक्षही होते. या दुर्दैवी घटनेमुळे कुटुंबीयांना आणि परिसरातील नागरिकांना मोठा धक्का बसला आहे. सीपीआरच्या अपघात विभागाबाहेर कुटुंबीयांचा आक्रोश हृदय पिळवटून टाकणारा होता. जाधव यांच्या पश्चात पत्नी, दोन मुली, भाऊ आणि आई असा परिवार आहे. स्थानिक राजकीय-सामाजिक कार्यकर्ते म्हणून ओळख असलेल्या जाधव यांच्या अकाली मृत्यूमुळे शिवाजी पेठ परिसरात शोककळा पसरली आहे. तर नातेवाईकांनी महावितरणच्या गलथान कारभाराबद्दल संताप व्यक्त केला आहे.

हरभऱ्याच्या शेतात शिरला बिबट्या; वृद्ध महिलेला फरफरटत नेलं अन्… भयानक दृष्य पाहून पतीचा आक्रोश

दैव बलवत्तर म्हणून वाचला सौरभचा जीव

मूळ तासगावचा सौरभ साळुंखे हा अंबाबाई यात्री निवास येथे राहून पार्टटाईम काम करतो आणि एमपीएससीसारख्या स्पर्धा परीक्षांची तयारी देखील तो करत आहे. वाचनालयात एकत्र भेटत असल्याने त्याची जाधव यांच्याशी ओळख होती. सोलरच्या कामात मदतीसाठी बोलावल्यानंतर सौरभ विनम्रपणे त्यांना मदत करण्यासाठी आला होता. विजेचा धक्का लागल्याचं पाहताच त्याने जाधव यांना वाचविण्यासाठी धाव घेतली, मात्र तो स्वतः जखमी झाला. डॉक्टरांच्या म्हणण्यानुसार, त्याची प्रकृती आता स्थिर आहे.