काय आहे प्रकरण?

पोलिसांनी दिलेल्या माहितीनुसार, तक्रारदार महिलेचे लग्न ११ एप्रिल २०२५ रोजी येरवड्यातील ३३ वर्षीय व्यक्तीशी झाले. विवाहानंतर पहिल्याच दिवसापासून नवरा तिच्यापासून दूर राहत होता. महिलेने पुढाकार घेऊन पतीसह शारीरिक संबंध ठेवण्याचा प्रयत्न केला असता, आरोपी पती घरातून बाहेर निघून जाऊन बाहेर झोपत असे. हा प्रकार जवळपास दोन महिने चालला.

सासरच्यांची महिलेलाच दमदाटी

पतीच्या वर्तनाबाबत महिलेने सासरे व इतर सदस्यांना सांगितल्यावर त्यांनी मदतीऐवजी ‘बाहेर कोणाला सांगू नको,’ अशी धमकी दिली. मात्र, तिने पुन्हा सांगितले, त्यानंतर तिचा छळ सुरू केला. अत्याचार वाढू लागल्याने पीडितेने अखेर पोलिसांकडे तक्रार केली.
Crime News : विश्वासघाताची किंमत मृत्यू… लेडीज हॉस्टेलमध्ये बायकोला संपवलं, बॉडीसोबत सेल्फी काढून स्टेटसला फोटो, त्यानंतर…

डंपरने उडवल्याने मृत्यू

दुसरीकडे, कात्रजकडून मंतरवाडी मार्गाला जाताना दुचाकीला डंपरने धडक दिली. दुचाकीचालकाच्या डोक्यावरून डंपरचे चाक गेल्याने त्याचा जागीच मृत्यू झाला. त्याच्या पाठीमागे बसलेला मित्र, भरत सुरेश कोंढरे दुसरीकडे पडल्याने वाचला. ही घटना सकाळी ११ वाजता पिसोळी येथे घडली.

कोंढवा पोलिसांनी तत्काळ रुग्णवाहिकेतून मृतदेह विच्छेदनाकरिता रुग्णालयात पाठवला. या प्रकरणी डंपर चालकाविरोधात रात्री उशिरापर्यंत गुन्हा दाखल करण्याचे काम सुरू होते. दत्तात्रय मुरलीधर भापकर (वय ५५ , रा. स्वयंभू निवास, भेकराईनगर, फुरसुंगी) यांचा जागीच मृत्यू झाला. मृत भापकर हे कुरिअरचे काम करायचे. त्यांच्या पश्चात पत्नी, मुलगा, सून आणि बहीण असा परिवार आहे.

हिंजवडी अपघातात चौघांवर गुन्हा

दरम्यान, दारूच्या नशेतील चालकाने बस भरधाव चालवून तीन भावंडांना चिरडले. यात तिघांचा मृत्यू झाला आणि एका महिलेसह तिघे जखमी झाले. ही घटना सोमवारी (एक डिसेंबर) सायंकाळी पावणेपाचच्या सुमारास हिंजवडी येथील पंचरत्न चौक येथे घडली. या प्रकरणी बसचालकासह दोघांना मुळशी न्यायालयात हजर केले असता गुरुवारपर्यंत (चार डिसेंबर) पोलिस कोठडी सुनावण्यात आली.

बसचा चालक नागनाथ राजाभाऊ गुजर (वय ३३, रा. गौरी पार्किंग, चक्रपाणी रोड, भोसरी, मूळ रा. धाराशिव), सबवेंडर व व्यवस्थापक भाऊसाहेब रोहिदास घोमल (वय ४८, रा. चिंचवड, मूळ रा. अहिल्यानगर) अशी पोलिस कोठडी सुनावण्यात आलेल्यांची नावे आहेत. त्यांच्यासह ‘मैत्रेय ट्रॅव्हल्स’चे मालक, चालकाची सुरक्षा तपासणी करण्याची जबाबदारी असलेली व्यक्ती यांच्या विरोधातही पोलिसांनी गुन्हा दाखल केला.
Sachin Pilgaonkar : 9 व्या वर्षी पहिली गाडी घेतली, वरळी सीफेसला ड्रायव्हिंग शिकलो, महागुरुंचा दावा, लेक श्रियाही हसत म्हणाली…
स्वप्नील जांभुळकर (वय २४, रा. पंचरत्न चौक, हिंजवडी) यांनी या प्रकरणी हिंजवडी पोलिस ठाण्यात फिर्याद दिली. पोलिस उपनिरीक्षक विकास ताकतोडे तपास करीत आहेत.