मुख्यमंत्री देवेंद्र फडणवीस यांनी जिजामाता विद्यालयाच्या मैदानावर भाजपच्या उमेदवारांसाठी आयोजित प्रचार सभेत, पुणे जिल्ह्यातील तरुणांच्या रोजगारासाठी औद्योगिक वसाहती (MIDC) विकसित करण्यावर भर दिला. ते म्हणाले, “भाषण करून जाणारे आम्ही लोक नाही. बोलतो ते करून दाखवतो. येथील तरुणांच्या रोजगारासाठी ‘औद्योगिक वसाहती’बाबत बैठक उद्याच्या अधिवेशनात लावतो. संग्राम थोपटे तुम्ही पुढाकार घ्या, तुमच्या मनातील ज्या संकल्पना आहेत, त्या सर्व आपण पूर्ण करू. मी आणि मंत्रिमंडळ तुमच्या पाठीमागे पूर्ण ताकद व शक्तीने उभे आहोत.”
Pune Accident : हिंजवडी आयटी पार्कमध्ये तीन सख्ख्या भावंडांना चिरडलं, मायबापाचं विश्व उद्ध्वस्त, मद्यधुंद बस चालकाला पादचाऱ्यांचा चोप
मुख्यमंत्र्यांनी पुढे स्पष्ट केले की, ते संग्राम थोपटे यांच्या आग्रहाखातर आले आहेत. ते म्हणाले, “मी संग्राम थोपटेंच्या आग्रहाखातर आलोय. याच अधिवेशनात एमआयडीसीची बैठक लावून त्यातील एक इंचही जमीन मोकळी ठेवणार नाही. थोपटे यांच्या नेतृत्वाखाली विकास कामे करताना निधी कमी पडून देणार नाही. राजगड साखर कारखान्याला ४६७ कोटी रुपये कर्ज केंद्राने मंजूर केले आहे.” या सभेत उच्च व तंत्रशिक्षणमंत्री चंद्रकांत पाटील, संग्राम थोपटे, स्वरूपा थोपटे, शेखर वढणे, स्नेहल दगडे, योगेश टिळेकर, संजय जगताप आणि इतर उमेदवार व्यासपीठावर उपस्थित होते.
Rupali Patil : दादा हा घ्या राजीनामा… राष्ट्रवादीतील अस्वस्थतेनंतर रुपाली पाटील यांचा मोठा निर्णय
दुसरीकडे, संग्राम थोपटे यांनी पालकमंत्री अजित पवारांवर अप्रत्यक्षपणे टीका केली. ते म्हणाले, “मागील चार दशके जिल्ह्यातील नेते विविध निवडणुकांच्या प्रचारात थोपटे कुटुंबावर वैयक्तिक, खालच्या पातळीवर जाऊन टीका केली. आता त्यांच्या पायाखालची वाळू सरकली आहे.” आमदार शंकर मांडेकरांनी केलेल्या टीकेची खिल्ली उडवत, थोपटे यांनी म्हटले की, “चौफुल्याच्या कलाकेंद्रातील गोळीबाराचा आवाज भोर मतदारसंघातील मतदारांच्या कानांत अजून घुमतो आहे.” यातून त्यांनी विरोधकांच्या प्रचाराच्या पद्धतीवर प्रश्नचिन्ह उपस्थित केले.