नाशिकरोडपासून जवळ असलेल्या सारूळ-राजूर डोंगरांमध्ये खडीसाठी खोदकामास परवानगी देण्यात आली आहे. खाणमाफिया येथे दररोज केवळ ५०० ब्रास रॉयल्टी दाखवतात, मात्र प्रत्यक्षात पाच हजार ब्रासपर्यंत उत्खनन करून ट्रक-डम्परच्या फेऱ्यांतून सामग्री बाहेर काढली जाते. या प्रचंड तफावतीमुळे शासनाचा कोट्यवधी रुपयांचा महसूल बुडत असून, संबंधित यंत्रणा मूकदर्शक बनल्याचा आरोपही केला जात आहे.
Nashik News : चंपाषष्टी सोहळ्यात हृदयद्रावक घटना; नाशिकमध्ये बारागाड्याखाली आल्यानं तरुण भाविकाचा दुर्दैवी मृत्यू
याशिवाय, दिवस-रात्र सुरू असलेल्या जिलेटिन स्फोटांमुळे या परिसरात हादरे बसत असून, ध्वनिप्रदूषण होत असते. त्यामुळे भिंतींना तडे जाणे, भूकंपसदृश कंपने जाणवणे यांसह रस्त्यांवर धूळ पसरल्याने आरोग्याच्या समस्या निर्माण होत आहेत.

स्फोटांबाबत नियम पायदळी
जिलेटिन स्फोट करण्यापूर्वी स्थानिक पोलिस स्टेशन तसेच प्रशासनाला पत्रव्यवहार करणे गरजेचे असते. मात्र, सर्वच नियम पायदळी तुडवून या ठिकाणी जिलेटिन स्फोट घडवले जातात. जिलेटिनचा अनियंत्रित वापर, योग्य सुरक्षा अंतराचा अभाव आणि तपासणी होत नसल्यामुळे यापूर्वी येथे अनेक मजुरांनी जीव गमावला आहे. मात्र, महसूल विभाग , संबंधित यंत्रणा याबाबत संशयास्पद मौन बाळगून आहत. सध्या सुरू असलेल्या उत्खननाची महसूल विभागाने तातडीने स्थळावर जाऊन तपासणी करावी. उत्खनन सुरूच दिसल्यास संबंधित खानपट्ट्यांची परवानगी तत्काळ रद्द करावी, अशी मागणी जोर धरू लागली आहे.
Nashik News : देव तारी त्याला कोण मारी! आईची नजर हटली, दुर्घटना घडली, 3 वर्षीय चिमुकला गॅलरीमधून खाली पडला, अन्…; VIDEO
अवैध उत्खनन केल्याप्रकरणी मागील महिन्यात नऊ जणांवर गुन्हे दाखल केले आहेत. यापुढेही अवैध उत्खनन करताना आढळल्यास गुन्हे दाखल करून कायदेशीर कारवाई करू. महसूल विभागाकडून सारूळ आणि राजूर येथे पंधरा खाणपट्ट्यांना परवानगी दिली आहे. – राहुल काळे, मंडल अधिकारी, महसूल विभाग