काय आहे प्रकरण?

तोतया आयएएस महिला अधिकारी कल्पना भागवत हिला २६ नोव्हेंबर रोजी कोर्टात हजर करण्यात आले. कोर्टात हजर केल्यानंतर तपासी अधिकारी यांनी कोर्टासमोर गेल्या तीन दिवसात झालेल्या तपासाची माहिती दिली. या तपासादरम्यान १ जानेवारी २०२५ ते २१ नोव्हेंबर २०२५ या दरम्यान तोतया अधिकारी भागवत हिच्या खात्यावर एकूण ३२ लाख ६८ हजार ८६२ रूपये जमा झालेले आहेत. या महिलेकडे उत्पन्नाचा स्त्रोत नाही. हा पैसा आला कोठून? असा सवाल उपस्थितीत झालेला आहे. याशिवाय या महिलेच्या जवळ असलेल्या कागदपत्रांची तपासणी केली असता, तिच्याजवळून चेतन सुंदरजी भानुशाली यांच्याकडून कल्पना भागवत व निखील भाकरे यांच्या नावाने तब्बल १९ कोटी रूपयांचा चेक मिळालेला आहे. तसेच कॉसमॉस बँकेचा सहा लाखांचा चेकही भागवत हिच्या नावे मिळून आलेला आहे.

महिलेच्या खात्यावर फोन पे द्वारे मोठ्या रक्कमा पाठविण्यात आलेल्या आहेत. तिने चार महिने पंचतारांकित हॉटेलमध्ये राहण्यासाठी ६ लाख ९६ हजार २०० रूपयांचे बिल पेमेंट केलेले आहेत. एवढी रक्कम आली कोठून याचा पोलिस शोध घेत आहे.

पेशावर कॅन्टोन्मेंट बोर्डसह ११ आंतरराष्ट्रीय आढळले नंबर

तोतया आयएएस महिलेकडे तपासादरम्यान तिचे संबंध अफगाणिस्तानमधील नागरिक मोहम्मद अशरफ खिल याच्यासोबत असल्याची माहिती समोर आली आहे. मोहम्मद अशरफ हा सात वर्षांपासून भारतात राहत आहे. खिल याचा भाऊ अहेमद यामा गालीफ हा इस्लामाबाद शहरात आहे. पाकिस्तानामधून अहेमद गालीफ याच्यासोबत ही महिला संपर्कात होती. सदर महिलेने गालीफ हिच्यासोबत चॅट हिस्ट्री डीलीट केली आहे. याशिवाय सदर महिलेच्या मोबाईलमध्ये अफगाण एम्बसी, पेशावर कॅन्टोंमेंट बोर्ड, झरदारी सर वाईफ, आफीस अफगाण एम्बसी, मुजीब भाई, झरदारी सर, मोहम्मद रजा नकवी असे एकूण ११ आंतरराष्ट्रीय नंबर आढळले आहे.
एसी-फॅन बंद करा रे! Orry ची सात तास ‘गरमागरम’ चौकशी; तीन लाख पगार, नोकरीचं ठिकाणही सांगितलं

देशभरात विविध ठिकाणी विमान प्रवास

तोतया आयएएस महिलेकडून मिळालेल्या माहितीनुसार, या महिलेने भारतामध्ये जयपूर, उदयपूर, राजस्थान, दिल्ली आणि मणिपूर येथे विमानादवारे प्रवास केल्याची माहितीही समोर आली आहे. या शहरांमध्ये ही महिला कोणाला भेटली? याची माहिती समोर आलेली नाही.

महिलेने कोर्टातच दाखविला पोलिसांना रूबाब

या महिलेला कोर्टात आणल्यानंतर, तिने वकीलांशी एकट्यात बोलण्याचा आग्रह धरला. याशिवाय वकिलावर मोबाईलवर बोलू असा आग्रह धरला. तसेच मला पत्रकार परिषद घ्याची आहे. असे सांगून पोलिसांना दबावात आणण्याचा प्रयत्न करून पोलिसांनाच रूबाब दाखविण्याचा प्रयत्न केला.
Pune Crime : फॉर्च्युनरमध्ये बिझनेसमनचा काटा काढला, सूत्रधार निघाला पुण्याचा माजी नगरसेवक, ताम्हिणी घाटात ट्विस्ट

दहा दिवसाची पोलिस कोठडी

बुधवारी (२६ नोव्हेंबर) तोतया महिलेला प्रथम वर्ग न्यायदंडाधिकारी एस.डी. जवळगेकर यांच्या कोर्टात हजर करण्यात आले. यावेळी सरकारी वकील जरिना दुर्रानी यांनी तपासादरम्यान समोर आलेल्या माहितीवरून त्या महिलेचा देशविघातक कृत्यामध्ये सहभाग होण्याची शक्यता आहे. अशा प्रकरणाची पूर्ण तपासणी आवश्यक आहे. यामुळे दहा दिवसाची पोलिस कोठडी कोर्टाकडे मागितली. कोर्टाने ६ डिसेंबरपर्यंत पोलिस कोठडीचे आदेश दिले आहेत.