रेल्वेच्या सल्लागार समितीची बैठक केंद्रीय रेल्वे मंत्री अश्विनी वैष्णव यांच्या अध्यक्षतेखाली पार पडली. यावेळी केंद्रीय रेल्वे राज्यमंत्री वी. सोमन्ना, रवनीत सिंह उपस्थित होते. या समितीत देशभरातील १५ खासदार हे सदस्य म्हणून सहभागी होतात. या समितीचे सदस्य म्हणून शिवसेनेचे खासदार नरेश म्हस्के, शिवसेना (उबाठा) संजय पाटील व राष्ट्रवादी काँग्रेस शरदचंद्र पवार पक्षाचे सुरेश म्हात्रे असे महाराष्ट्रातील खासदार या बैठकीत सहभागी झाले होते.
Smriti Mandhana Palash Muchhal Wedding : स्मृतीने पलाशला कोरिओग्राफरसोबत रंगेहाथ पकडलं? बॉलिवूड अभिनेत्याचा खळबळजनक दावा, तो फक्त…
यावेळी ठाणे, मुंबई, भिवंडी लोकसभा मतदारसंघातील प्रलंबित विकासकामे, महाराष्ट्राच्या सर्वपक्षीय खासदारांच्या रेल्वेविषयक समस्या, देशापातळीवरील रेल्वेच्या मुलभूत प्रश्नांविषयी या खासदारांनी महत्वपूर्ण सूचना केल्या. अमृत भारत स्थानक योजनेअंतर्गत ठाणे रेल्वे स्थानकाच्या आधुनिकीकरणाचा ९४९ कोटींचा प्रस्ताव मध्य रेल्वेने रेल्वे बोर्डाकडे पाठविला असून तो अद्याप प्रलंबित आहे. या प्रस्तावाला तात्काळ मंजूरी देण्याची मागणी खासदार नरेश म्हस्के यांनी केली.

नव्या ठाणे रेल्वे स्थानकाचे कामावर चर्चा

ठाणे ते मुलुंड स्थानकादरम्यान नवीन रेल्वे स्थानकाच्या कामात होत असलेली दिरंगाई दूर करुन तातडीने काम सुरु करावे, ठाणे स्थानकात मुलुंडकडे जाणारा नवीन पादचारी पूल त्वरित बांधण्याची आवश्यकता आहे. हा पूल प्लॅटफॉर्म क्रमांक १ ला प्लॅटफॉर्म क्रमांक ७ आणि ८ ला जोडेल. तसेच स्थानकाच्या पूर्व आणि पश्चिम बाजूंना जोडेल. ज्यामुळे प्रवाशांची गर्दी नियंत्रित करण्यात आणि त्यांची सुरक्षितता सुनिश्चित करण्यात मोठी मदत होईल.
Mumbai Vadhvan Road : घंटो का प्रवास मिनटो में! मुंबई ते वाढवण प्रवास 60 मिनिटांवर, कसा असेल नवा मार्ग?
ठाणे रेल्वे स्थानकातील फलाट क्रमांक ७, ८ आणि ९, १० येथे स्वयंचलित जिन्यांची उभारणी करणे गरजेचे आहे. अशा विविध आग्रही मागण्या खासदार म्हस्के यांनी रेल्वे मंत्री अश्विनी वैष्णव यांच्याकडे बैठकीत केल्या. यावेळी खासदार पाटील आणि म्हात्रे यांनीही या मागण्यांना पाठिंबा देत हे प्रश्न तातडीने सोडविण्याची विनंती रेल्वेमंत्री वैष्णव यांच्याकडे केल्याचे म्हस्के यांनी सांगितले.