नंदनवन पोलिसांकडून प्राप्त माहितीनुसार, नॅव्ही हा शासकीय औद्योगिक प्रशिक्षण संस्थेत प्रथम वर्षाला शिकतो. संकेतही शिक्षण घेत आहे. रिया (नाव बदलेले) ही तरुणी आधी संकेतची गर्लफ्रेण्ड होती. सहा महिन्यांपासून तिने संकेत याच्यासोबत अबोला धरला. ती नॅव्हीसोबत बोलायला लागली. त्यामुळे संकेत संतापला. सोमवारी रात्री 10 वाजताच्या सुमारास नॅव्ही हा रियासोबत मोबाइलवर बोलत होता. यावेळी संकेतने तिच्या मोबाइलवर संपर्क साधला. रियाने त्याला ‘कॉन्फरन्स’वर घेतले असता संकेतने नॅव्हीला शिवीगाळ केली. त्यानंतर वैभव यानेही नॅव्हीला शिवीगाळ करीत मर्डर करण्याची धमकी दिली. नॅव्हीने मोबाइल बंद केला. त्यानंतर नॅव्ही हा मित्र राज व अंशुल या दोघांसोबत केडीके कॉलेज रोडवरील झिलपे डेकोरेशनजवळ बोलत होता.
Anant Garje: भांडण करुन घरातून निघाले, कोस्टल रोडवर असताना वारंवार गौरीला फोन, गाडी वळवली अन्… अनंत गर्जेंबाबत नवी माहिती
संकेत व त्याचे दोन साथीदार मोटारसायकलने तिथे आले. त्यांनी नॅव्हीला शिवीगाळ करून मारहाण करण्यास सुरुवात केली. काही वेळाने वैभव तेथे आला. त्याने नॅव्हीला मारहाण केली. वैभवने खिशातून चाकू काढून संकेतला देत ‘याला मारून टाक’, अशी चिथावणी दिली. संकेत याने त्याच्या हातातील चाकूने नॅव्हीच्या गळ्यावर वार केले. नॅव्हीचे मित्र मदतीसाठी धावले असता चौघांनी त्यांनाही मारहाण केली. नॅव्हीने मदतीसाठी आरडाओरडा करताच परिसरातील नागरिक मदतीसाठी धावले. यादरम्यान संकेत, वैभव व त्याचे साथीदार तेथून पळाले. मित्रांसह नॅव्ही हा नंदनवन पोलिस ठाण्यात गेला. पोलिसांनी त्याला मेडिकलमध्ये दाखल केले. त्याच्या तक्रारीवरून पोलिसांनी प्राणघातक हल्ल्याचा गुन्हा दाखल करून तपास सुरू केला.

अल्पवयीन प्रेयसीच्या आईला शिवीगाळ

अल्पवयीन प्रेयसीशी बोलण्यास मनाई केल्याने प्रियकराने शिवीगाळ करीत मुलीच्या आईला ठार मारण्याची धमकी दिली. ही घटना यशोधरानगर पोलिस ठाण्याच्या हद्दीत घडली. याप्रकरणी पोलिसांनी प्रियकराविरुद्ध शिवीगाळसह विविध कलमांन्वये गुन्हा दाखल केला. साहिल शहा सलाम शहा (वय 27, रा. यशोधरानगर), असे गुन्हा दाखल करण्यात आलेल्या युवकाचे नाव आहे. 30 वर्षीय महिलेच्या तक्रारीवरून हा गुन्हा दाखल करण्यात आला. महिलेचे दुसरे लग्न झाले असून, पहिल्या पतीपासून तिला 15 वर्षांची मुलगी आहे.

साहिलने मुलीला प्रेमाच्या जाळ्यात ओढले. तो तिच्याशी नेहमी बोलायचा. याबाबत महिलेला कळताच शनिवारी तिने साहिलची समजूत घातली. यामुळे साहिल हा संतापला. रविवारी सकाळी 11 वाजताच्या सुमारास साहिल हा महिलेच्या घरासमोर आला. त्याने महिलेला शिवीगाळ करायला सुरुवात केली. महिलेने त्याला हटकले असता, ‘मला तुमच्या मुलीसोबत बोलायचे आहे. तू मनाई का करीत आहे. मला बोलू दिले नाही तर मी तुझ्या मुलीचे अपहरण करेन, तुला ठार मारेन’, अशी धमकी त्याने महिलेला दिली. त्यानंतर महिलेने यशोधरानगर पोलिसांत तक्रार केली. पोलिसांनी साहिलविरुद्ध गुन्हा दाखल करीत तपास सुरू केला आहे.