गणेशनगर येथून मामसासऱ्याच्या घरी वास्तू पूजन कार्यक्रम आटोपून सोमनाथ भोयर हे कुटुंबासह दुचाकीने आपल्या घरी परतत होते. दरम्यान, नवोदय विद्यालयाजवळ भरधाव चारचाकी वाहनाने दुचाकीला जोरदार धडक दिली. या अपघातात पती-पत्नी व एका मुलाचा घटनास्थळीच मृत्यू झाला. तर लहान मुलगा गंभीर जखमी आहे. अपघात झाल्यानंतर वाहन चालकाने घटनास्थळावरून पळ काढल्याची प्राथमिक माहिती आहे. चारचाकी वाहन वायगाव येथील आहे. घटनास्थळी तातडीने नागरिकांनी धाव घेत जखमी मुलाला त्वरित सावंगी येथील रुग्णालयात हलविले. डॉक्टरांनी त्याची प्रकृती चिंताजनक असल्याचे सांगितले आहे.अपघातानंतर परिसरात शोककळा पसरली असून गावात हळहळ व्यक्त होत आहे. पोलिसांनी घटनास्थळाचा पंचनामा करून फरार वाहनचालकाच्या शोधासाठी तपास सुरू केला आहे.
Nagpur Crime: याला मारून टाक; गर्लफ्रेण्डचा अबोला, माजी प्रियकराचा दुसऱ्या तरुणावर हल्ला, अन्…

भंडाऱ्यात तरुणाने रुग्णालयात आपला जीव दिला

उपचारासाठी दाखल असलेल्या एका तरुणाने सामान्य रुग्णालयातील तिसऱ्या माळ्यावरून उडी मारून आपल्या आयुष्याची अखेर केल्याची घटना सोमवारी दुपारी २ वाजेदरम्यान घडली. अखिलेश भिकराम मरसकोल्हे (वय २२ ) रा. कुडवा, पो. गोरेघाट, ता. तिरोडी, जि. बालाघाट असे मृतकाचे नाव आहे. अखिलेश हा रविवारी उपजिल्हा रुग्णालय तुमसर येथून पुढील उपचारासाठी सामान्य रुग्णालय, भंडारा येथे आला होता. त्याला वार्ड क्रमांक १९ येथे दाखल करण्यात आले होते. दरम्यान, सोमवारी, रुग्णालयाच्या तिसऱ्या माळ्यावरून उडी घेतल्याने गंभीर जखमी होऊन मृत्यू झाला.