CM Devendra Fadnavis: मुंबईतील वाहतूक कोंडी कमी करण्यासाठी मुख्यमंत्री देवेंद्र फडणवीस यांनी ‘पाताळ लोक’ या नावाने नवीन प्रकल्पाची घोषणा केली आहे. या नेटवर्कमुळे मुंबईत शहरभर अनेक दिशांनी जाणाऱ्या बोगद्यांची निर्मिती होईल.
या योजनेनुसार मुंबईमध्ये अनेक समांतर भुयारी मार्गांची उभारणी करण्यात येणार आहे. या नव्या नेटवर्कला फडणवीसांनी ‘पाताळ लोक’ हे नाव दिले आहे. त्यांच्या मते, या निर्णयामुळे मुंबईतील वाहतूक कोंडी मोठ्या प्रमाणात कमी होईल. ‘पाताळ लोक’ हा शब्द एका हिंदी वेब सिरीजमध्ये अंडरग्राऊंड जगासाठी वापरला गेला होता. त्याच आधारे या प्रकल्पाला हे नाव देण्यात आल्याचे मुख्यमंत्र्यांनी स्पष्ट केले.
Thane News: तीन हात नाक्यावरील वाहतूक कोंडी फुटणार! ठाण्यात 8.24 किमीचा उन्नत मार्ग; कसा असेल संपूर्ण मार्ग, पाहा
भुयारी मार्गांचे जाळे
त्यांनी सांगितले की मुंबईमध्ये शहरभर अनेक दिशांनी जाणाऱ्या भुयारी मार्गांच्या जाळ्याची उभारणी होणार आहे. “आम्ही मुंबईत शहरभर पसरलेले बोगद्यांचे विस्तृत जाळे तयार करत आहोत, ज्यामुळे वाहतूक कोंडी पूर्णपणे कमी होईल,” असे फडणवीस म्हणाले. हे जाळे विद्यमान मुख्य रस्त्यांना समांतर अशा ‘शॅडो नेटवर्क’ (सावली) प्रमाणे काम करणार आहे, असे त्यांनी स्पष्ट केले.
दक्षिण मुंबई ते भाईंदर दरम्यान असलेला कॉस्टल रोड हा वेस्टर्न एक्सप्रेस हायवेचे पर्यायी, अडथळामुक्त मार्ग म्हणून काम करेल, असे फडणवीस म्हणाले. “मुंबईतील सुमारे 60 टक्के प्रवासी वेस्टर्न एक्सप्रेसवेवर अवलंबून आहेत. तोपर्यंत तो मोकळा होत नाही, तोपर्यंत वाहतूक समस्येचे समाधान नाही,” असे त्यांनी नमूद केले. “आम्ही समांतर रस्त्यांचे जाळे उभारत आहोत… जिथे तुमचा सरासरी वेग 80 किमी प्रतितास असेल,” असेही ते म्हणाले.
वांद्रे-वर्ळी सी लिंकपर्यंत प्रवास
ते म्हणाले की सध्या अनेक भुयारी प्रकल्पांवर काम सुरू आहे, ज्यात ठाणे–बोरिवली आणि मुलुंड–गोरेगाव बोगद्यांचा समावेश आहे. “यामुळे पूर्व-पश्चिम जोडणी मोठ्या प्रमाणात सुधारेल,” असे ते म्हणाले. बोरिवली–गोरेगाव दरम्यानचा समांतर रस्ता आणि पुढील वर्षी अपेक्षित वर्ळी–शिवडी कनेक्टर यांच्या मदतीने अटल सेतू ते वांद्रे-वर्ळी सी-लिंकपर्यंत अखंडित प्रवास शक्य होईल.
मराठी माणसाला धोक्याचा इशारा, सावध राहण्याचा सल्ला, राज ठाकरे म्हणाले…
फडणवीस यांनी सांगितले की अटल सेतूला गिरगाव चौपाटीशी जोडणारा, इस्टर्न एक्सप्रेस हायवेमार्गे जाणारा बोगदा तीन वर्षांत पूर्ण होईल. “यामुळे सध्याच्या वाहतूक कोंडीला मोठा दिलासा मिळेल,” असे ते म्हणाले. वांद्रे ते बीकेसी (BKC) दरम्यान प्रस्तावित बोगद्यामुळे देशांतर्गत विमानतळाकडे जाणारा मार्ग सुधारेल. “दक्षिण मुंबईतून देशांतर्गत विमानतळापर्यंत फक्त 20 मिनिटांत पोहोचता येईल,” असेही त्यांनी सांगितले.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा