दिल्लीत पोलिसांनी विद्यार्थ्यांवर केलेल्या लाठीमारानंतर देशभरातून संताप व्यक्त होत आहे. या पार्श्वभूमीवर, आदित्य ठाकरे यांनी केंद्र सरकार आणि मुख्यमंत्री फडणवीस यांना लक्ष्य केले आहे. मुंबईत शिवाजी पार्क येथे चैत्यभूमीवर शांततेत आंदोलन सुरू असताना, तिथेही पोलिसांनी आंदोलकांना ताब्यात घेतले. आमचे कार्यकर्ते धावून गेले , त्या मुलांना सोडवले. मात्र, त्या मुलांना पुन्हा नोटीस पाठवून पोलिस ठाण्यात बोलवले. त्यामुळे नीट परीक्षेच्या मुद्द्यावर, सोनम वांगचुक यांच्या समर्थनार्थ आंदोलन केल्याबद्दल गुन्हे दाखल झाले, तर तुम्हाला कायदेशीर मदत करू ,’ असे आदित्य ठाकरेंनी जाहीर केले.

Devendra Fadnavis: राजकीय पोळी भाजताहेत! दिल्ली आंदोलनावरुन मुख्यमंत्र्यांचा आरोप; पोलिस योग्य असल्याचा दावा
उद्धव ठाकरे दिल्लीला रवाना
दिल्लीतील आंदोलनाला पाठिंबा दर्शविण्यासाठी शिवसेना उबाठा पक्षाचे प्रमुख उद्धव ठाकरे हे आज, बुधवारी दिल्लीत पोहाचणार आहेत. त्यानुसार मंगळवारी सायंकाळी उद्धव ठाकरे दिल्लीला रवाना झाले.

Mumbai Crime : लेकीच्या मृत्यूच्या आरोपात जावयाला तुरुंगात पाठवलं, नंतर आई-बापाने केला मोठा कांड; मुंबईतील सृष्टी जैन प्रकरणात थरारक ट्वीस्ट
‘ हे तर राक्षसी राजकारण ’
‘फेसलेस लोकांमुळे तुम्ही मुख्यमंत्री पदावर बसला आहात, हे विसरू नका. तुम्हाला ते बसवू शकतात, तर ते उचलू पण शकतात. सकाळी बोलणारे भाजपचे प्रवक्ते कुठे गेले? त्यांना या विषयावर बोलावेसे वाटत नाही का? नीच, राक्षसी प्रकारचे हे राजकारण सुरू आहे,’ अशी टीका मनसे नेते अमित ठाकरे यांनी केली.