नेमकं काय घडलं?

महिला क्रिकेटपटू स्मृती मानधना आणि संगीतकार पलाश मुच्छल यांचा विवाह रविवार २३ नोव्हेंबर रोजी सांगलीत होणार होता. मात्र त्याच सकाळी स्मृतीचे वडील श्रीनिवास मानधना यांना नाश्ता करताना अचानक अस्वस्थ वाटू लागले. हृदयविकाराचा झटका आल्यासारखी लक्षणे दिसल्याने स्मृतीच्या वडिलांना तातडीने सांगलीतील एका खासगी रुग्णालयात दाखल करण्यात आले. त्यांना वैद्यकीय निरीक्षणाखाली ठेवण्यात आले असून डॉक्टरांच्या मते पुढील उपचारांसाठी अँजिओग्राफीची गरज भासू शकते.

पलाशची प्रकृतीही बिघडली

दुसरीकडे, स्मृतीचा होणारा नवरा पलाश मुच्छल याचीही प्रकृती काही काळ बिघडली होती, परंतु पलाशला रुग्णालयातून अल्पकाळातच डिस्चार्ज देण्यात आला. त्यानंतर काल रात्री उशिरा पलाश मुंबईला रवाना झाल्याची माहिती आहे.
Crime News : 20 वर्ष जुन्या मैत्रिणीकडून विश्वासघात, 68 लाखांचा गंडा, प्रियंका पैसे मागायला जाताच लताच्या कुटुंबीयांनी…

पाहुणे मंडळी रवाना

पलाश मुच्छल याची बहीण आणि प्रख्यात गायिका पलक मुच्छल आणि त्यांचे कुटुंबीय देखील सांगलीतून रवाना झाले आहेत. तर स्मृतीच्या सहकारी म्हणजेच भारतीय महिला क्रिकेट टीमच्या सदस्याही आज सकाळच्या सुमारास विशेष वाहनाने मुंबईकडे रवाना झाल्या. स्मृतीच्या लग्नानिमित्त तीन दिवसांपासून क्रिकेट टीम सांगलीत तळ ठोकून होती. मात्र आता दोघांचेही मित्र, नातेवाईक, सहकारी सांगलीतून रवाना झाले आहेत.
Radhika Kotadiya : लहान-सहान गोष्टी घरी कशाला सांगायच्या? लग्नाच्या तोंडावर 28 वर्षीय डॉक्टरने आयुष्य संपवलं, चॅटमध्ये धक्कादायक उलगडा
स्मृती मानधनाचे मॅनेजर तुहिन मिश्रा यांनी माध्यमांना माहिती दिली की, वडिलांच्या प्रकृतीमुळे स्मृतीने लग्नाची तारीख अनिश्चित काळासाठी पुढे ढकलण्याचा निर्णय घेतला आहे. स्मृतीने स्पष्टपणे सांगितले की, वडील बरे झाल्यानंतरच लग्न व्हायला हवं. त्यामुळे लग्न अनिश्चित काळासाठी पुढे ढकलण्यात आले आहे” असे मिश्रा यांनी सांगितले.