सोलापूरच्या मोहोळ तालुक्यातील अनगर गावातील राजकारण राज्यभरात गाजतंय. राजन पाटील विरुद्ध उज्ज्वला थिटे यांच्यातील संघर्षाकडे सर्वांचंच लक्ष लागलंय. अशातच बाळराजे पाटील यांनी उपमुख्यमंत्री अजित पवारांना दिलेल्या चॅलेंजची चर्चा झाली. मात्र राजन पाटील यांनी माध्यमांसमोर येत अजित पवार आणि शरद पवारांची माफी मागितली. बाळराजे अजून लहान असून मी दिलगिरी व्यक्त करतो, असे राजन पाटील म्हणाले.
