एकनाथ शिंदे यांनी आज दिल्लीत जावून अमित शाह यांच्याकडे राज्यातील घडामोडींवरुन नाराजी व्यक्त केल्याची माहिती सूत्रांकडून मिळत आहे. अमित शाह यांच्यासोबत एकनाथ शिंदे यांनी जवळपास तासभर चर्चा केल्याची माहिती आहे.
एकनाथ शिंदे आज दुपारी दिल्लीला रवाना झाले. दिल्लीत जावून त्यांनी केंद्रीय गृहमंत्री अमित शाह यांची भेट घेतली. या भेटीत त्यांनी अमित शाह यांच्यासोबत सविस्तर चर्चा केली. विशेष म्हणजे दोन्ही नेत्यांमध्ये जवळपास 1 तास चर्चा झाल्याची माहिती आहे. यावेळी एकनाथ शिंदे यांनी अमित शाह यांच्याकडे नाराजी व्यक्त केल्याची माहिती टीव्ही 9 ने सूत्रांच्या हवाल्याने दिली आहे. खासदार श्रीकांत शिंदे यांच्या मतदारसंघात ऑपरेशन लोटस राबवलं जात असल्याची खंत एकनाथ शिंदे यांनी व्यक्त केली. तसेच विधानसभा निवडणुकीत शिवसेनेच्या उमेदवारांनी ज्यांचा पराभव केला त्यांना पक्षप्रवेश देत भाजपने त्यांची ताकद वाढवली, अशी देखील तक्रार एकनाथ शिंदे यांनी अमित शाह यांच्याकडे केल्याची माहिती सूत्रांकडून मिळत आहे.
स्थानिक स्वराज्य संस्थांच्या निवडणुका या महायुतीत लढवल्या जातील, असं आश्वासन भाजपकडून देण्यात आलं होतं. पण सध्या राज्यात अनेक ठिकाणी भाजपने वेगळी चूल मांडल्याचं बघायला मिळालं आहे. त्यावरुनही एकनाथ शिंदे यांनी नाराजी व्यक्त केल्याची चर्चा आहे. दरम्यान, यानंतर आता अमित शाह यांच्याकडून काय तोडगा काढला जातो? ते पाहणं महत्त्वाचं आहे.
एकनाथ शिंदे हे सातत्याने दिल्लीत जावून अमित शाह यांची भेट घेत असतात. गेल्या दोन महिन्यांत त्यांनी सलग तीनवेळा दिल्लीतील भाजपच्या वरिष्ठ नेत्यांची भेट घेतली आहे. त्यांनी पंतप्रधान नरेंद्र मोदी यांचीदेखील भेट घेतली होती. त्यानंतर आज एकनाथ शिंदे यांनी अमित शाह यांची भेट घेतली आहे.
एकनाथ शिंदेआणि अमित शाह यांच्या भेटीचं आणखी एक कारण आहे. आगामी काळात केंद्रीय मंत्रिमंडळात खांदेपालट होऊ शकतो. त्यावेळी शिवसेनेला काही अधिकचे पदं दिली जातात का? ते पाहणं महत्त्वाचं आहे. दुसरीकडे महाराष्ट्रात मंत्रिमंडळात शीतयुद्ध सुरु आहे. स्थानिक स्वराज्य संस्थांच्या निवडणुकांच्या पार्श्वभूमीवर फोडाफोडीच्या राजकारणाकाला गती मिळाली आहे. त्यावर शिवसेनेच्या मंत्र्यांची नाराजी होती. या फोडाफोडीच्या राजकारणबाबत चर्चा झाल्याची माहिती आहे.
मुंबईतही मोठ्या घडामोडी
एकनाथ शिंदे एकीकडे दिल्लीत अमित शाह यांच्या भेटीसाठी पोहोचले असताना इकडे मुंबईतही मोठ्या घडामोडी घडलेल्या बघायला मिळाल्या आहेत. उपमुख्यमंत्री अजित पवार मुख्यमंत्री देवेंद्र फडणवीस यांच्या भेटीसाठी गेले. यावेळी राष्ट्रवादी काँग्रेसचे ज्येष्ठ नेते प्रफुल्ल पटेल देखील उपस्थित होते. यावेळी तीनही नेत्यांमध्ये सध्याच्या राजकीय घडामोडींवर चर्चा झाल्याची शक्यता आहे. एकनाथ शिंदे यांची नाराजी कशी दूर करावी? याबाबत या भेटीत चर्चा झाल्याची शक्यता आहे. तसेच अजित पवार यांचे पुत्र पार्थ पवार पुण्यातील जमीन व्यवहार प्रकरणी अडचणीत आले आहेत. त्यामुळे याबाबतही बैठकीत चर्चा झाली असावी, असा अंदाज राजकीय वर्तुळात बांधला जात आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा