स्थानिकांनी तत्काळ “हेल्प फॉर अॅनिमल वेल्फेअर असोसिएशन नागपूर” ला माहिती दिली. संस्थेचे कार्यकर्ते घटनास्थळी धाव घेतली आणि हा बिबट्या असल्याचे स्पष्ट झाल्यानंतर वन विभागाच्या टीटीसी सेंटरला कळविण्यात आले. पोलिसांनी तत्काळ जागा सुरक्षित करून नागरिकांना अंतर राखण्यास सांगितले. प्रचंड गर्दीमुळे काही वेळ वातावरण तणावपूर्ण झाले होते.

तुळजापूर ड्रग्ज प्रकरणातले आरोपी पिंटू गंगणे भाजपकडून नगराध्यक्ष पदाचे उमेदवार, मोठ्या शक्तीप्रदर्शनात भरला अर्ज

दरम्यान, वन विभागाचे पथक बिबट्याला सुरक्षित रितीने पकडण्यासाठी जवळपास चार तास प्रयत्न करत होते. बिबट्या अधूनमधून हालचाल करत असल्याने वनकर्मचाऱ्यांना त्याच्याजवळ जाणे कठीण होत होते. शेवटी अनुभवी अधिकाऱ्यांनी अचूक क्षण साधत एक सिंगल डार्ट मारला आणि बिबट्याला बेशुद्ध करण्यात यश मिळाले. त्यानंतर प्राथमिक तपासणी करून त्याला सुरक्षितपणे पिंजऱ्यात टाकण्यात आले. सुदैवाने हा बिबट्या कोणत्याही प्रकारे जखमी नसल्याचे अधिकाऱ्यांनी स्पष्ट केले. जेरबंद केल्यानंतर वन विभागाने त्याला पुढील उपचार व काळजीसाठी टीटीसी सेंटरमध्ये हलविले.

या घटनेनंतर “मानव-वन्यजीव संघर्ष” पुन्हा एकदा चर्चेत आला आहे. शहरालगतच्या जंगलांमध्ये सतत कमी होत चाललेली जागा, वाढता शहरी विस्तार आणि वन्यप्राण्यांची भक्ष्यसाखळी बिघडल्याने बिबटे व इतर प्राणी मानवी वस्तीत घुसण्याच्या घटना वाढल्या असल्याचे तज्ञांचे मत आहे. भांडेवाडी सारख्या गजबजलेल्या भागात बिबट्या कसा पोहोचला? हा बिबट्या शहरात कुठून आला? याचा तपास वन विभाग करीत आहे. मात्र, वेळेत आणि समन्वयाने काम केल्यामुळे मोठा घात किंवा जीवितहानी टळल्याने नागरिकांनी सुटकेचा श्वास घेतला आहे.