सीसीटीव्ही फुटेज तपासून कारवाईला सुरुवात

या घटनेची माहिती मिळताच सिंहगड रोड पोलिसांनी परिसरातून सीसीटीव्ही फुटेज गोळा करत तपासाला सुरुवात केली आहे. व्हिडिओत तिघेही चेहरा झाकल्याशिवाय गाड्यांवर रॉड आणि दगडांनी हल्ला करताना दिसून येत आहेत. काही सेकंदांत काचांचे तुकडे रस्त्यावर विखुरले आणि आरोपी पुन्हा दुचाकीवर बसून झटपट पसार झाले. त्यांच्यातील एक जण काहीतरी सांगण्याचा प्रयत्न करत थांबवताना दिसत आहे. मात्र, बाकीचे दोघे थांबण्यास तयार नसल्याचे फुटेजमध्ये दिसते आहे.
डीजेवर नाचताना हवेत गोळीबार, नवरदेवाच्या मित्राची मुलगी जमिनीवर कोसळली, 6 वर्षांच्या वीराचा मृत्यू
नऱ्हे परिसरात गेल्या काही आठवड्यांपासून चोरी, मारामाऱ्या आणि वाहनांची तोडफोड या घटना वाढत असल्याने रहिवासी त्रस्त झाले आहेत. कॉलेज, कोचिंग क्लासेस आणि वसतिगृहांचा मोठा वावर असल्याने रात्रीच्या सुरक्षेबाबत आता पुण्यातील नागरिक चिंता व्यक्त करू लागले आहेत. अनेक वाहनमालकांचे आर्थिक नुकसान झाल्याने रहिवाशांनी अतिरिक्त गस्त, तसेच परिसरातील सीसीटीव्ही कॅमेरे अद्ययावत करण्याची मागणी पोलिसांकडे करण्यात आली आहे.सध्या पोलिसांनी अज्ञात आरोपींवर गुन्हा दाखल केला असून, त्यांच्या हालचालींचा मागोवा घेण्यासाठी तांत्रिक तपास सुरू करण्यात आला आहे. पुण्यात अशा घटना सलग घडत असल्याने पुणे शहरातील पोलीस यंत्रणा आणि सुरक्षा उपायांवर पुन्हा एकदा प्रश्नचिन्ह निर्माण झाले असून दोषींना तातडीने पकडून कठोर कारवाई करावी, अशी मागणी नागरिकांमधून होत आहे.