पुणे जिल्ह्यातील भोरमध्ये यंदाची लढत विशेष गाजत आहे. पूर्वी येथे भाजपची ताकद ही मर्यादित होती. मात्र माजी आमदार संग्राम थोपटे भाजपमध्ये प्रवेश केल्यानंतर या तालुक्यात भाजपचे वजन मोठ्या प्रमाणात वाढले आहे. दुसरीकडे, राष्ट्रवादी काँग्रेसने अनेक वर्षे संग्राम थोपटे यांना स्थानिक पातळीवर थेट आव्हान देत आपली ताकद टिकवून ठेवली आहे. यामुळे भोर नगरपालिकेच्या निवडणुकीत थोपटे यांच्या भाजप आणि अजित पवार यांच्या राष्ट्रवादी काँग्रेसमध्ये थेट आमने-सामने लढत आहे. त्यातच उपमुख्यमंत्री एकनाथ शिंदे यांच्या शिवसेनेनेही अनेक ठिकाणी आक्रमक पवित्रा घेत भोरच्या मैदानात उतरले आहेत. मात्र, निवडणुकीच्या तोंडावर शिंदे गटाला मोठा धक्का बसला आहे.
Pune News : राजकारण बाजूला सोडलं, शिंदेंच्या उमेदवार मनिषा गोरेंना ठाकरेंचा पाठिंबा, कारण वाचून अभिमान वाटेल
भोर नगराध्यक्षपदासाठी शिवसेनेकडून अर्ज दाखल करणारे नितीन सोनवले यांनी अचानक राष्ट्रवादी काँग्रेसमध्ये प्रवेश केला. राष्ट्रवादीचे आमदार शंकर मांडेकर यांच्या उपस्थितीत हा प्रवेश सोहळा पार पडला. सोनवले आता शिवसेनेकडून भरलेला उमेदवारी अर्ज मागे घेणार असून आगामी निवडणुकीत राष्ट्रवादीसाठी सक्रिय भूमिका बजावणार आहेत. त्यामुळे शिवसेनेचा प्रमुख उमेदवारच हातातून गेल्याने पक्षाची भोरमधील समीकरणे पूर्णपणे ढवळून निघाली आहेत.
Baramati News: आरंभ है प्रचंड! बारामतीत अजित पवारांनी दिला तगडा उमेदवार, शरद पवार ‘त्या’ पराभवाचा वचपा काढणार? की भाजपचं कमळ फुलणार?
या घडामोडीमुळे भोरमध्ये शिवसेनेची ताकद कमी झाल्याने लढत आता जवळजवळ द्विपक्षीय बनली आहे. संग्राम थोपटे यांच्या प्रभावामुळे भाजपचे वर्चस्व वाढलेले असताना, त्यांना रोखण्यासाठी राष्ट्रवादीने हा डाव आखल्याचे स्पष्ट आहे. सोनवले यांच्या माघारीनंतर आगामी निवडणुकीत महायुतीच्या दोन प्रमुख पक्षांमध्ये भाजप आणि राष्ट्रवादी काँग्रेस अशी थेट टक्कर रंगणार आहे. ही थेट लढाई होतं असताना भोर नगरपालिकेच्या लढतीतून महायुतीतील अंतर्गत स्पर्धा किती तीव्र आहे हे स्पष्ट झाले आहे. आता भाजप-शिवसेनेच्या फोडाफोडीवरून भिडत असताना यात आता अजित पवारांच्या राष्ट्रवादीने देखील उडी घेतली असून महायुतीतील या संघर्षाचा पुढील अंक काय असेल याकडे राज्याचे लक्ष लागले आहे.