“शिवसेनेचे मुख्य नेते एकनाथ शिंदे आणि युवानेते श्रीकांत शिंदे यांच्या शुभेच्छा आणि आशीर्वाद घेऊन आज पाचोरा शहरात शिवसेनेने स्वतंत्र भूमिका घेतली. ही भूमिका घेतल्यानंतर आज अर्ज भरण्याच्या शेवटच्या दिवशी म्हणजेत 17 नोव्हेंबरला एक नगराध्यक्ष आणि 28 नगरसेवकांचा उमेदवारी अर्ज दाखल केले आहेत. हे दाखल करताना मला अतिशय आनंदाने सांगावसं वाटत आहे, ज्या पद्धतीने पाचोऱ्यात नागरिकांनी प्रतिसाद दिला तो सर्वांनी पाहिला. आतापर्यंत पाचोऱ्यात अशाप्रकारचं शक्तीप्रदर्शन कधी झालं नाही”, असा दावा किशोर पाटील यांनी केला.

“आम्ही पाचोऱ्यात अनेक विक्रम केले. पाचोऱ्यात दुसरा कुठला आमदार निवडून येत नव्हता. मला या जनतेने तिसऱ्याला निवडून दिलं. मी आज पाचोरा शहरातील जनतेचा आशीर्वाद घेऊन स्वतंत्र लढण्याचा निर्णय घेतला. तो स्वतंत्र लढण्याचा निर्णय अतिशय योग्य आहे आणि योग्यच राहील. कारण आमच्या रॅलीत असलेली गर्दी. या पाचोरा शहरातील जनता इतिहास करेल. इथे संपूर्ण 28 नगरसेवक आणि 1 नगराध्यक्ष शिवसेनेचे जिंकून येतील”, असादेखील दावा किशोर पाटील यांनी केला.

“मी कॉलेजमध्ये रेसलिंगला होतो. मी कुस्तीपटू आहे. मी कुस्तीपटू असल्यामुळे कुणाला कुठला डाव टाकायचा याची मला पूर्णपणे कल्पना आहे. हे कितीही मल्ल आहे. तरी सगळ्यांना धोबीपछाड पाचोरा शहरातील जनतेच्या आशीर्वादाने करेन. याची मला शंभर टक्के खात्री आहे”, अशी प्रतिक्रिया किशोर पाटील यांनी दिली.

यावेळी किशोर पाटील यांना मंगेश चव्हाण यांच्याबद्दल प्रश्न विचारण्यात आला. काही दिवसांपूर्वी मंगेश चव्हाण यांनी किशोर पाटील यांच्यावर टीका केली होती. त्यांच्या टीकेबाबत किशोर पाटील यांना प्रश्न विचारलात असता त्यांनी बोचरी टीका केली. “मंगेश चव्हाण किस गली में गलबला आहे. तो थोड्या दिवसांत हवेत आलेला आहे. त्याची हवा शंभर टक्के निघेल. ही पाचोरा शहरातील आणि भडगाव शहरातील जनता त्याला त्याची जागा दाखवेल”, असा शब्दांत किशोर पाटील यांनी निशाणा साधला.