रूपाली विलास वाडेकर (वय ४६, रा. कल्याण, जि. ठाणे) असे हत्या झालेल्या महिलेचे नाव आहे. मूळची ठाण्याची असलेली रूपाली काही दिवसांपासून शिरोली येथील आरोपीच्या घरी वास्तव्यास होती. आरोपी ललित दिपक खोल्लम (वय ३७, रा. शिंदेवस्ती, शिरोली, ता. खेड) याच्याशी तिचे अनैतिक संबंध होते. या नात्यामध्ये वारंवार वाद होत असल्याची माहिती समोर येत आहे.
Pune News: पुण्यात वारंवार होणाऱ्या अपघांतामुळे नागरिक त्रस्त, सामाजिक कार्यकर्त्यांचा संताप, महामार्गावर प्रशासनाविरोधात तिरडी आंदोलन
शिरोली येथील एका इमारतीच्या दुसऱ्या मजल्यावर ललितच्या फ्लॅटमध्ये दाम्पत्यात उशिरापर्यंत भांडण झाल्याचे शेजाऱ्यांना ऐकू आले. त्यानंतर साधारण ११.२० च्या सुमारास रूपालीचा रक्ताने माखलेला मृतदेह आतमध्ये आढळला. तिचा गळा धारदार हत्याराने चिरल्याचे दिसून आले. या घटनेने परिसरात एकच खळबळ उडाली. पोलिस हवालदार सुदर्शन सुखदेव माताडे यांनी दिलेल्या फिर्यादीवरून आरोपी ललित खोल्लम याच्यावर खुनाचा गुन्हा दाखल करण्यात आला आहे. आरोपी हा सध्या फरार असून त्याचा पोलिसांकडून जोरदार शोध सुरू आहे.
पुण्यात रिंग रोडच्या कामाला गती! 117 गावांचे सर्वेक्षण पूर्ण; कधी आणि कसा होणार होणार या गावांचा कायापालट, जाणून घ्या
ललित हा यापूर्वीही एका प्रकरणात तुरुंगवास भोगलेला असल्याची माहिती समोर आली आहे. दोघांचे प्रेमसंबंध ठाण्यात असताना जुळले होते. रूपालीचे पती निधन झाल्यानंतर ती नातेवाईकांकडे राहत होती आणि काही काळापूर्वी शिरोली येथे आली होती, अशी माहिती पोलिसांनी दिली. या प्रकरणाचा तपास पोलीस निरीक्षक सुभाष चव्हाण यांच्या मार्गदर्शनाखाली सुरू असून, पोलीस उपनिरीक्षक श्रीकांत गोडगे यांनी गुन्हा नोंदविला आहे. प्रेमप्रकरणातून झालेल्या या निर्घृण खुनाने शिरोली परिसरात भीतीचे वातावरण निर्माण झाले आहे.