नगरपरिषद आणि पंचायतीसाठी निवडणुकीचे अर्ज भरण्यास सुरुवात झाली असून २ डिसेंबरला त्यासाठी मतदान होणार आहे. महिला प्रदेशाध्यक्ष रुपाली चाकणकर यांच्यावर जाहीर टीका करणाऱ्या रुपाली पाटील-ठोंबरे यांना या यादीत स्थान मिळालेले नाही. वगळण्यात आलेल्या नावांमध्ये राज्यसभा खासदार सुनेत्रा पवार, ज्येष्ठ नेते दिलीप वळसे-पाटील, मुख्य प्रवक्ते आनंद परांजपे यांचाही समावेश करण्यात आलेला नाही.

छगन भुजबळ यांचे नावही या यादीत नसल्याने दिवसभर चर्चा रंगली होती. त्यावर सुनील तटकरे यांनी स्पष्टीकरण दिले. भुजबळ यांच्यावर शस्त्रक्रिया झाली असून त्यांना रुग्णालयातून सोडण्यात आलेले नाही. या निवडणुकांसाठी ते उपलब्ध नसले तरी जिल्हा परिषद आणि पालिकेच्या निवडणुकीसाठी ते उपलब्ध होतील, असे ते म्हणाले.

स्टार प्रचारकांमध्ये राष्ट्रवादी काँग्रेसचे राष्ट्रीय अध्यक्ष अजित पवार , राष्ट्रीय कार्याध्यक्ष प्रफुल पटेल, प्रदेशाध्यक्ष सुनील तटकरे, हसन मुश्रीफ, धनंजय मुंडे, नरहरी झिरवाळ, माणिकराव कोकाटे, बाबासाहेब पाटील, मकरंद पाटील, दत्तात्रय भरणे, अण्णा बनसोडे, अदिती तटकरे, इंद्रनील नाईक, धर्मरावबाबा आत्राम, अनिल पाटील, संजय बनसोडे, प्रताप पाटील-चिखलीकर, नवाब मलिक, सयाजी शिंदे, मुश्ताक अंतुले, समीर भुजबळ, अमोल मिटकरी, सना मलिक-शेख, रुपाली चाकणकर, इद्रिस नायकवडी, अनिकेत तटकरे, झिशान सिद्दीकी, राजेंद्र जैन, सिद्धार्थ कांबळे, सुरज चव्हाण, लहू कानडे, कल्याण आखाडे, सुनील मगरे, नाझेर काझी, महेश शिंदे, राजलक्ष्मी भोसले, सुरेखा ठाकरे, नजीब मुल्ला, प्रतिभा शिंदे, विकास पासलकर आदींचा समावेश आहे.