नेमकं काय घडलं?

सांगली शहर आज मध्यरात्रीच्या सुमारास मुळशी पॅटर्न खुनाच्या घटनेनं हादरले. राजकीय पदाधिकारी असलेल्या उत्तम जिनाप्पा मोहिते (वय 41 रा. गारपीर चौक, सांगली) यांचा त्यांच्या वाढदिवसाच्या कार्यक्रमाच्या ठिकाणी असलेल्या स्टेजजवळ धारदार हत्याराने त्यांच्यावर सपासप वार केला. ते जीव वाचवत एका त्यांच्या घरात शिरले. हल्लेखोरांनी त्यांचा तिथे निर्घुण खून केला. मध्यरात्री 12 वाजण्याच्या सुमारास सदर खुनाची घटना घडली. दरम्यान, हल्ला करणाऱ्या संशयित रेकॉर्डवरील गुन्हेगार शाहरुख शेख याला संतप्त जमावाने बेदम चोप दिला. यात तो गंभीर जखमी झाला असून त्याच्यावर अतिदक्षता विभागात उपचार सुरू आहेत.

Nashik News : सततच्या पावसामुळे शेतीचं नुकसान, सोसायटीचं कर्ज कसं फेडायचं? नाशकात तरुण शेतकऱ्यानं नको ते केलं…

याबाबत अधिक माहिती अशी की, मृत उत्तम मोहिते हे राजकीय पदाधिकारी असून दलीत महासंघ मोहिते गटाचा संस्थापक अध्यक्ष आहे. त्यांनी सांगली जिल्ह्यातअनेक विषयांवर आंदोलन केले होते. हटके आंदोलन करण्यासाठी मोहिते हे प्रसिद्ध होते. उत्तम मोहिते यांचा आज मंगळवारी वाढदिवस होता. यासाठी त्यांच्या गारपीर चौक येथील घरासमोर स्टेज घालून जंगी कार्यक्रमाचे आयोजन केले होते. रात्री दहा वाजण्याच्या सुमारास संशयित शेख हा त्याच्या साथीदारांसह याठिकाणी आला. जेवणाचा आस्वाद घेतला. यानंतर मोहिते यांना शुभेच्छा देण्याच्या बहाण्याने टोळके गेले आणि त्यांच्याजवळ असलेल्या धारदार हत्याराने पोटात आणि मानेवर वार केले. यात ते गंभीर जखमी झाले. यानंतर जखमी अवस्थेत उत्तम मोहिते यांना शासकीय रुग्णालयात दाखल केले असता त्यांना मृत घोषित करण्यात आलं.