या प्रकरणी पोलिसांनी मिलिंद चिमाजी गायकवाड (वय 43, रा. चिंचवली, खोपोली) या रिक्षाचालकाविरुद्ध बी.एन.एस. कलम 125 तसेच मोटार वाहन कायद्यानुसार कलम 5/181, 21(20)/177 अन्वये गुन्हा दाखल केला आहे. तक्रारदार आकाश नेताजी डोंगरे (वय 20) यांनी दिलेल्या माहितीनुसार, आरोपी गायकवाड यांनी स्वतःच्या मालकीची रिक्षा (क्र. MH-46 AZ-5845) आपल्या अल्पवयीन मुलगी हिच्याकडे चालवण्यासाठी दिली. त्यांना तिच्याकडे कोणताही परवाना नसल्याची आणि अशा कृतीमुळे अपघात होण्याची शक्यता असल्याची पूर्ण जाणीव असूनही त्यांनी निष्काळजीपणे हा प्रकार केला.

Sangli Crime : सांगलीमध्ये मुळशी पॅटर्नचा थरार; नेत्याला बर्थडेच्या दिवशीच संपवलं, अंगावर थरकाप आणणारा CCTV व्हिडिओ

तीन-चार शाळकरी मुली मागे

व्हायरल व्हिडिओत दिसतं की, रिक्षा भररस्त्यावर धावत आहे. मागे तीन-चार शाळकरी मुली बसलेल्या आहेत. तर बाजूला बसलेले वडील तिला मार्गदर्शन करत आहेत. हायवेवर सुरू असलेल्या या धोकादायक ड्रायव्हिंग क्लासकडे वाहनधारकांचं लक्ष वेधलं गेलं आणि हा प्रकार सोशल मीडियावर चांगलाच चर्चेत आला. या घटनेमुळे स्थानिक नागरिक आणि पालकांमध्ये संताप व्यक्त होत आहे. पालकांनी मुलांच्या उत्साहाचा गैरवापर करू नये, कारण एक छोटा प्रयोगही जीवावर बेतू शकतो, असं नागरिकांचं मत आहे. पोलिसांनी संबंधित रिक्षाचालकाविरुद्ध कठोर कारवाई केली असून, अल्पवयीनांकडून वाहन चालवून घेतल्यास कोणतीही सूट दिली जाणार नाही, असा इशारा दिला आहे.

दिल्ली स्फोटाच्या तपासाचे नेतृत्व मराठी अधिकाऱ्याकडे, दहशतवाद्यांच्या नांग्या ठेचणारे IPS विजय साखरे कोण आहेत?

वडिलांचाच कारनामा

शाळकरी मुलगी रिक्षा चालवत असून, पाठीमागच्या सीटवर इतर मुली बसल्या आहेत. धक्कादायक म्हणजे रिक्षा चालवणाऱ्या मुलीच्या बाजूला ड्रायव्हर म्हणजे तिचे वडील बसले आहेत. तो त्या मुलीला काही सूचना देत आहे. शाळकरी मुलींची वाहनांमधून धोकादायक पद्धतीने वाहतूक करतानाच्या अनेक घटना उघड झाल्या आहेत. काही व्हिडिओ पण व्हायरल झाले आहेत.