Palghar Crime : राज्यात दिवसेंदिवस गुन्हेगारीचं प्रमाण वाढत चाललं आहे. अशातच पालघरमध्ये एक धक्कादायक घटना उघडकीस आली आहे. येथील नामांकित ज्वेलर्स दुकानात चोरी झाली आहे.
नमित पाटील, पालघर : पालघर शहरातील मुख्य बाजारपेठ पेठेत असलेल्या नाकोडा ज्वेलर्स या ज्वेलर्स दुकानात चोरी झाल्याची घटना घडली आहे. चोरट्यांनी 3 कोटी 72 लाख 35 हजार 460 रुपये किमतीचे सोने आणि चांदीचे दागिने, २० लाख रोख असा एकूण 3 कोटी 72 लाख 35 हजार 460 रुपये किमतीचा मुद्देमाल चोरट्यांनी घरफोडी करून चोरून नेला आहे. याप्रकरणी पालघर पोलीस ठाण्यात गुन्हा दाखल करण्यात आला असून अधिक तपास पोलीस करीत आहेत.
पालघर शहरातील अशोका अंबर शॉपिंग कॉम्प्लेक्समधील नाकोडा ज्वेलर्स दुकानाचे मालक पीयूष दिनेश जैन ज्वेलर्स दुकान बंद करून आपल्या घरी निघून गेले. चोरट्यांनी ज्वेलर्स दुकानाच्या शेजारी असलेल्या जान्हवी फॅशन या कपड्याच्या दुकानात शटर तोडून आत प्रवेश केला. त्यानंतर कपड्याच्या दुकानातील भिंतीला बोगदा करून नाकोडा ज्वेलर्स दुकानात शिरले.
Narahari Zirwal : ‘मुस्लिम भाजपला मते देत नाहीत, म्हणून त्या जागा…’; महायुतीतील वाटपावरून नरहरी झिरवळांनी ठणकावलं
ज्वेलर्स दुकानातील तिजोरी गॅस कटरने कापून त्यात ठेवलेल्या ९२ सोन्याच्या चैन, 31 नेकलेस, 271 अंगठ्या, 359 कानातील एअररिंग्स टॉप्स आणि झुमके, 120 कानातील रिंग्स, 92 मंगळसूत्राला लावण्यात येणारे पेंडल, 146 सोन्याच्या चैनचे पेंडल, 19 कानचैन, 118 मंगळसूत्राच्या वाटी, 8 ब्रेसलेट, 12 कानातले लटकन, बारा सोन्याचे कॉइन, 40 किलो चांदीचे दागिने आणि 20 लाख रुपये रोख रक्कम असा एकूण 3 कोटी 72 लाख 35 हजार 460 रुपयांचा ऐवज चोरून चोरटे पसार झाले. शनिवारी रात्रीच्या सुमारास ही घटना घडली असून घटनेची माहिती मिळाल्यानंतर पालघर पोलीस घटनास्थळी दाखल झाले व संपूर्ण घटनास्थळाची पाहणी करा घटनास्थळाचा पंचनामा करण्यात आला.
पार्थमुळे महाभारत, अजितदादा अडचणीत; देवाभाऊंच्या ‘टाईमबॉम्ब’नं भाजपमध्ये आनंदीआनंद
पोलिसांनी परिसरातील सीसीटीव्ही फुटेज तपासले असता 5 ते 6 चोरटे ही घरफोडीसाठी आले असल्याचे सीसीटीव्ही कॅमेऱ्यात समोर आलं आहे. अंबर शॉपिंग कॉम्प्लेक्स येथे दुकानदारांनी एकत्रित रित्या ठेवलेल्या सुरक्षारक्षक दिपक सिंग आणि नरेश दोघांनी संगनमत करून अन्य साथीदारांच्या मदतीने ज्वेलर्स दुकानात चोरी केल्याची माहिती समोर आली आहे. याप्रकरणी पालघर पोलीस ठाण्यात आरोपी सुरक्षारक्षक दिपक सिंग, नरेश व अज्ञात चोरट्यांविरोधात भारतीय न्याय संहिता 2023 च्या कलम 305(1), 331(3), 331(4), 3(5) अन्वये गुन्हा दाखल करण्यात आला आहे. अधिक तपास पोलीस करीत आहेत.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा