बोटीवरील खलाशाचा पाकिस्तानी सैनिकांनी केलेल्या गोळीबारात मृत्यू

पालघर जिल्ह्यातील सातपाटी, डहाणू, तलासरी तालुक्यांतील अनेक मच्छिमार चांगल्या पगारासाठी गुजरातच्या ओखा, पोरबंदर, वेरावल भागांतील मासेमारी बोटींवर खलाशी म्हणून जातात. काही वर्षांपूर्वी मेहेर यांचा जावई श्रीधर चामरे यांचा पाकिस्तानी सैनिकांनी केलेल्या गोळीबारात मृत्यू झाला होता. आता मेहेर यांनाही ताब्यात घेण्यात आल्याने त्यांचे कुटुंबीय चिंताग्रस्त झाले आहेत.
Weather Update : राज्याच्या काही भागांत थंडीची चाहूल, मुंबईत सकाळी गारवा, तर दुपारी उकाडा; उत्तर मध्य महाराष्ट्रात शीत लहरीची शक्यता

बोटी मासेमारी करताना चुकून पाकिस्तान हद्दीत

‘समुद्रात भारत-पाकिस्तान या सीमा कळत नसल्याने या बोटी मासेमारी करताना चुकून पाकिस्तान हद्दीत गेल्यास त्यांना पाकिस्तानच्या मेरिटाइम सिक्युरिटी एजन्सीकडून ताब्यात घेतले जाते. 193 मच्छिमार पाकिस्तानच्या तुरुंगात आहेत,’ अशी माहिती ‘इंडिया-पाकिस्तान पीपल्स फोरम फॉर पीस अँड डेमोक्रसी’ या संस्थेचे माजी पदाधिकारी जतीन देसाई यांनी दिली. ‘यापैकी अनेकांच्या शिक्षेचा कालावधी पूर्ण झाल्यानंतरही त्यांची सुटका होत नसल्याने भारत सरकारकडून त्यांच्या सुटकेचे प्रयत्न व्हावेत,’ अशी मागणी मेहेर कुटुंबाकडून केली जात आहे. संपूर्ण कुटुंब चिंतेत आहे.

मासेमारी करताना चुकून सीमा ओलांडली, पाकिस्तान सैनिकांकडून थेट गोळीबार

समुद्रात भारत-पाकिस्तान हद्दीचे कुठलेही सीमांकन केलेले नसताना मासेमारी करताना चुकून सीमा ओलांडल्यावर पाकिस्तान सैनिकांकडून सरळ गोळीबार केला जातो. याचा देसाई यांनी निषेध नोंदवला. नामदेव मेहेर (65) हे गुजरातमधील नल नारायण या जयंतीभाई राठोड यांच्या ट्रॉलरवर काम करण्यासाठी गेले होते. मेहेर 30 वर्षांपासून गुजरातमध्ये मासेमारीसाठी जात आहेत. आमच्या वडिलांची ही शेवटची फेरी होती, अशी माहिती त्यांचा मुलगा कांचन मेहेर यांनी पत्रकारांना दिली.