विशाल बंडू पाचकोरे (वय 32, राहणार काबरानगर) असे मयत झालेल्या व्यक्तीचे नाव आहे. तर सुधाकर शेषराव ढेपे (वय 48 राहणार काबरा नगर) त्याची प्रेयसी आणि एका अल्पवयीन मुलाला ताब्यात घेण्यात आलं आहे. या प्रकरणी अधिक माहिती अशी की, विशाल पाचकोरे हा मोर्चा हिंगोली येथील रहिवासी आहे. तो शहरामध्ये काम करतो. काही दिवसांपूर्वी विशाल आणि रंगकाम करणाऱ्या सुधाकर यांची ओळख झाली. सुधाकर हा खोली घेऊन एकटा राहत होता. दरम्यान, सोमवारी रात्री सुधाकर व त्याची प्रेयसी त्याच्या घरी आले होते. त्यानंतर सुधाकर हा दारू आणण्यासाठी घराबाहेर पडला.
बॉयफ्रेंडसमोरुन उचलत विद्यार्थिनीवर सामूहिक अत्याचार, दोन दिवसात तिघांचा एन्काउंटर
रात्री साडे अकराच्या सुमारास विशाल हा सुधाकरच्या घरी गेला. एक वाजता सुधाकर घरी पोहोचल्यानंतर त्याचा मित्र विशाल आणि प्रेयसी हे आक्षेपार्ह अवस्थेत आढळून आले. यावेळी संतापलेल्या सुधाकरने घरातील लाकडी दांड्याने विशालच्या डोक्यावर हल्ला केला, त्यात तो गंभीर जखमी झाला. त्यानंतर त्याचा मृतदेह प्रेयसी आणि एका अल्पवयीन मुलच्या मदतीने रस्त्यावर टाकून दिला.

काबरानगर येथे अनोळखी मृतदेह आढळून आला असल्याची माहिती पोलिसांना मिळाली. पोलीस घटनास्थळी दाखल झाले. मृतदेह रुग्णालयात पाठवण्यात आला. पोलिसांनी परिसरातील सीसीटीव्ही तपासले असता रात्री दोन वाजेच्या सुमारास तिघेजण मृतदेह घेऊन जात असताना आढळून आले. यावरून पोलिसांनी सुधाकरच्या खोलीची पाहणी केली असता घरात रक्त पुसलेल्याच्या खुणा आढळून आल्या. यावरून या दोघांना विचारले असता त्यांनी संपूर्ण घटनाक्रम सांगितला. त्यांनी विशालच्या हत्येची कबुली दिली. पोलिसांनी या प्रकरणी सुधाकर, प्रेयसी आणि अल्पवयीन मुलाला अटक केली आहे.