मिळालेल्या माहितीनुसार, दीपक डोळस असे फसवणुकीचे बळी ठरलेल्या अभियंत्याचे नाव आहे. दीपक काही वर्ष इंग्लंडमध्ये नोकरी करत होते. त्यांच्या दोन मुली या नेहमी आजारी असल्याने त्यांनी उपचारासाठी अनेक ठिकाणी धावपळ केली. याच दरम्यान, त्यांची ओळख राजेंद्र उर्फ दीपक खडके नावाचा व्यक्ती आणि त्याची शिष्या वेदिका पंढरपुरकर यांच्याशी झाली.
Pune Crime : चेहऱ्यावर मास्क, दुचाकीवरुन पाठलाग करत गाठलं, पुण्यात भरदिवसा तरुणाला संपवलं, अल्पवयीनसोबत काय घडलं?
या दोघांनी ‘शंकर महाराज’ त्यांच्या अंगात येतात आणि ते दुर्धर आजार बरे करतात असा दावा केला. विश्वास बसावा म्हणून वेदिका पंढरपुरकरने स्वतःच्या अंगात ‘शंकर महाराज’ आले आहेत असा खोटा आव आणला. त्यानंतर त्यांनी डोळस कुटुंबाला सांगितले की, तुमचे धन आम्ही जपून ठेवल्यास आणि पूजा केल्यास तुमच्या दोन्ही मुली बऱ्या होतील. याच बहाण्याने या भोंदू जोडीने डोळस दाम्पत्याकडून बँकेतील सर्व ठेवी आणि बचत निधी त्यांच्या खात्यात ऑनलाइन वळवून घेतला. या भोंदू जोडीचा कारनामा एवढ्यावरच थांबला नाही तरी त्यांनी डोळस यांचे इंग्लंडमधील घर आणि फार्महाऊस विकून त्याचे पैसेही वेदिका पंढरपुरकरच्या खात्यात वळवून घेतले.
Pune Election : पुण्यात ‘या’ ठिकाणी पहिल्यांदाच होणार निवडणूक, जिल्हाधिकाऱ्यांनी दिली माहिती
हे सगळं करून देखील मुलींच्या तब्येतीत काहीच फरक पडला नाही. जेव्हा दीपक डोळस यांनी विचारणा केली, तेव्हा खडके-पंढरपुरकर जोडीने त्यांच्या घरात ‘दोष’ असल्याचे सांगत आणखी पैसे मागितले. त्यासाठी पुण्यातील मालमत्ता विकण्यास सांगितले गेले. पण शेवटी जेव्हा विकण्यास काहीच उरले नाही, तेव्हा त्यांनी राहत्या घरावर कर्ज काढण्यास सांगितले. डोळस यांनी घरावर तसेच वैयक्तिक कर्ज घेत ते पैसे देखील दिले. या सगळ्यातून या भोंदू जोडीने डोळस यांची तब्बल 14 कोटी रुपयांची फसवणूक केली आहे. पोलिस तपासानुसार, या रकमेच्या सहाय्याने खडके आणि वेदिका यांनी कोथरुडमधील महात्मा सोसायटी येथे एक आलिशान बंगला खरेदी केला आहे.
Pune News : पुण्यात 90 लाखांचं घर 28 लाखात, परवडणाऱ्या दरातील फ्लॅट्स कोणत्या भागात? कसा-कधी कराल अर्ज?
२०१८ पासून सुरू असलेल्या या फसवणूक प्रकरणाने आयटी अभियंत्याचे संपूर्ण आयुष्य उद्ध्वस्त केले. सध्या पोलिसांनी या दोघांविरुद्ध गुन्हा दाखल करून तपास सुरू केला आहे. या घटनेमुळे पुन्हा एकदा अंधश्रद्धेच्या नावाखाली होत असलेल्या आर्थिक फसवणुकीचा गंभीर प्रकार समोर आला आहे.