हत्येनंतर आरोपी दुचाकीवरून गर्दीतून पसार झाले. रस्त्यावर रक्ताचा सडा आणि रक्ताच्या थारोळ्यात पडलेला मुलगा पाहून परिसरात खळबळ उडाली.
या प्रकरणी खडक पोलिसांनी तीन अल्पवयीन मुलांना रात्री उशिरा ताब्यात घेतलं असून खडक पोलिस ठाण्यात गुन्हा दाखल करण्याचे काम उशिरापर्यंत सुरू होते.
Pune News : पुण्यातील बिबळे ‘वनतारा’मध्ये? वाढत्या हल्ल्यानंतर राज्य सरकारचा महत्त्वाचा निर्णय, 200 पिंजरे बसवणार
पोलिसांनी दिलेल्या माहितीनुसार, मयंक दुपारी सव्वातीनच्या सुमारास त्याच्या मित्रासोबत दुचाकीवरून बाजीराव रस्त्याने जात होता. महाराणा प्रताप उद्यानासमोर आल्यानंतर पाठीमागून दुचाकीवर आलेल्या तिघांनी त्याला गाठले. आरोपींनी चेहऱ्यावर मास्क लावले होते. त्यांनी पुढे जाऊन मयंकच्या दुचाकीला धडक दिली. त्यामुळे तो आणि त्याचा मित्र खाली पडले. त्या वेळी तिघांनी कोयत्याने मयंकवर सपासप वार केले. डोक्यात, मानेवर
आणि तोंडावर वार झाल्याने मयंक जागीच कोसळला.
Pune News : पुण्यात 90 लाखांचं घर 28 लाखात, परवडणाऱ्या दरातील फ्लॅट्स कोणत्या भागात? कसा-कधी कराल अर्ज?
तो रक्ताच्या थारोळ्यात पडलेला असताना आरोपींनी घटनास्थळी एक हत्यार टाकले आणि ते दुचाकीवरून फरारी झाले. प्राथमिक तपासात ही घटना पूर्ववैमनस्यातून झाल्याचे समोर आले आहे. घटनेची माहिती मिळताच गस्तीवरील पोलिस; तसेच वरिष्ठ अधिकारी घटनास्थळी दाखल झाले. परिसरातील सीसीटीव्ही फुटेज तपासले असता आरोपीची ओळख पटली. त्यानंतर काही तासांत त्यांना ताब्यात घेण्यात आले.

तुटलेले बोट अन् आणि रक्ताचा सडा

बाजीराव रस्त्यावरील गर्दीच्या चौकात ही घटना घडली. हल्ल्यानंतर काही वेळ मयंकचा मृतदेह रक्ताच्या थारोळ्यात पडला होता. रक्ताचा सडा आणि त्याच्या शेजारी पडलेले त्याचे तुटलेले बोट पाहून अनेकांच्या अंगावर शहारे आले. या घटनेच्या वेळी परिसरातील हॉटेल, हातगाडीवाले आणि रहिवासी काही क्षण हादरलेलेच उभे होते. हल्ला होत असतानाही कोणीही आरोपींना थांबवण्याचा प्रयत्न केला नाही, अशी माहिती पोलिसांनी दिली.

मुलांनी धारदार शस्त्राने मयंक खरारे याच्यावर हल्ला करून खून केला आहे. प्राथमिक तपासात पूर्वीच्या वादातून ही घटना झाल्याचे दिसते.