कुठे आहेत पुण्यातील परवडणाऱ्या दरातील घरं?

पुण्यातील वाकड आणि हिंजवडी यांसारख्या विकसित भागात म्हाडाने घरं उपलब्ध करुन दिली आहेत. ‘यश्विन अर्बो सेंट्रो’ या खासगी गृहनिर्माण प्रकल्पात 2 BHK आणि 3 BHK फ्लॅट्स म्हाडाने उपलब्ध केले आहेत. या घरांचं घराचं क्षेत्रफळ, कार्पेट एरिया जवळपास 500 ते 600 स्क्वेअर फूट इतका आहे. हा प्रकल्प मुख्य हायवेला लागून भूमकर चौक, इंदिरा गांधी कॉलेज या भागात असल्याने उत्तर कनेक्टिव्हिटीसह आहे.
Pune News : मुठा नदीच्या दोन्ही बाजूंना तयार होतोय सेवा रस्ता, महामार्गावरील कोंडी होणार कमी; कुठून-कसा असेल मार्ग?
महत्त्वाची बाब म्हणजे म्हाडाने उपलब्ध करुन दिलेली ही घरं इतर घरांच्या तुलनेत अतिशय स्वस्तात देण्यात आली आहेत. या घरांच्या किमती बाजार भावापेक्षा तब्बल 60 ते 70 लाख रुपयांपर्यंत कमी आहेत. त्यामुळे म्हाडातून घरं घेणाऱ्यांना इतक्या पैशांची बचत होणार आहे. म्हाडाच्या लॉटरीमधील घरांची किंमत 28.42 लाख ते 28.74 लाख रुपये इतकी आहे. इतर प्रकल्पांमध्ये याच भागातील घरांच्या किमती 80 ते 90 लाख इतक्या आहेत.

म्हाडा लॉटरीमध्ये घर घेण्यासाठी कसा कराल अर्ज?

म्हाडा लॉटरीमध्ये अर्ज करताना म्हाडाच्या अधिकृत वेबसाईटला भेट द्या. परवडणाऱ्या दरातील घरं घेण्यासाठी ऑनलाईन अर्ज करावा लागेल. अधिकृत वेबसाइटवर Pune Board Lottery 2025 हा पर्याय निवडून पुढे संपूर्ण अर्ज भरावा लागेल. अर्ज भरताना ‘यश्विन अर्बो सेंट्रो’ हा प्रकल्प निवडावा लागेल. त्यानंतर एक-एक प्रोसेस करत अर्ज पूर्ण करावा लागेल. अर्ज करण्याची शेवटची तारीख 20 नोव्हेंबर 2025 रोजी रात्री 11.59 वाजेपर्यंत आहे. या तारखेपर्यत अर्ज करुन पुण्यात हक्काचं घर घेण्याचं स्वप्न पूर्ण करता येईल.