मेट्रो फूट ओव्हरब्रिज नारायण पेठ आणि डेक्कन जिमखान्याला जोडणार

नारायण पेठ आणि डेक्कन जिमखाना या पुलाचं काम शेवटच्या टप्प्यात असताना दुसरीकडे पुण्यातला महत्त्वाचा भिडे पूल बंद आहे. 2026 च्या सुरुवातीला बांधकाम पूर्ण होण्याची अपेक्षा आहे. नव्या वर्षाच्या सुरुवातीला भिडे पुलावरील वाहतूक पुन्हा सुरू होऊ शकते. पावसाळा लांबल्यामुळे या पुलाच्या बांधकामासाठी अधिक वेळ लागला, मात्र तरीही बांधकाम वेगात सुरू असल्याची माहिती अधिकाऱ्यांनी दिली. यामुळे प्रवाशांना आणखीन मोठा दिलासा मिळणार आहे.
Pune News : पुण्यात मेट्रो 3 चा विस्तार बाणेरपर्यंत, IT हबला जोडणार हिंजवडी-शिवाजीनगर कॉरिडॉर; कसा असेल मार्ग?
डेक्कन जिमखाना या मेट्रो स्टेशनद्वारे नवा पुलावर नारायण पेठ आणि डेक्कन जिमखाना या परिसरात पादचाऱ्यांना थेट प्रवेश मिळेल. हा मेट्रो फूटब्रिज 108 मीटर लांबीचा आणि 8 मीटर रुंदीचा आहे. फूट ओव्हरब्रिज नारायण पेठला भिडे पुलाद्वारे डेक्कन जिमखाना स्टेशनशी जोडेल. या पुलाच्या बांधकामासाठी 25 कोटी रुपये खर्च आला आहे.

मेट्रो फूट ओव्हरब्रिजच्या बांधकामासाठी काही आवश्यक मंजुरी असते. या पुलासाठी सर्व परवानग्या आणि मंजुऱ्या मिळवण्यात आल्या आहेत. पुलाचं काम करताना डिझाइनमध्ये आधुनिक तंत्रज्ञानाचा वापर करण्यात आला आहे. या पुलासाठी परिसरातील नागरिकांच्या प्रतिक्रिया सकारात्मक आहेत. मात्र कामाला दिरंगाई होत असल्याची तक्रार नागरिकांची आहे.दरम्यान, पुण्यातील हिंजवडी ते शिवाजीनगर आणि विठ्ठलवाडी या मार्गावर मेट्रोचा विस्तार होणार आहे. हिंजवडी ते शिवाजीनगर आणि विठ्ठलवाडी हा मार्ग आता बाणेरपर्यंत विस्तारित होण्याचा निर्णय घेण्यात आला आहे. यामुळे पुणेकरांचा प्रवास अधिक सुखकर होणार आहे. या विस्तारित चाचण्या पूर्ण झाल्यानंतर ही संपूर्ण मार्गिका मार्च 2026 पासून सुरू होणार असल्याची शक्यता वर्तवण्यात आली आहे.