त्यांनी दुकानमालकाला आणि कर्मचाऱ्यांना बंदूक रोखून कोयत्याची भीती दाखवली. घाबरलेल्या दुकानमालकाने जोरात ओरडल्यामुळे चोर घाबरले आणि त्यांनी तिथून पळ काढला. हा थरारक प्रसंग शनिवारी रात्री आठच्या सुमारास घडला.

Trupti Desai: शनी शिंगणापूरमध्ये पुन्हा एकदा आंदोलन करणार तृप्ती देसाई, भाविकांच्या ‘या’ मागणीवरुन भूमाता ब्रिगेडचा इशारा

विजापूर नाका पोलीस ठाण्यात फिर्याद दाखल

शहरातील ज्वेलर्स दुकानात हा थरार सीसीटीव्ही कॅमेरात कैद झाला आहे. हातात पिस्तुल आणि कोयता घेऊन लूटमार करण्याचा प्रयत्न फसला मात्र हा व्हिडीओ सोशल मीडियावर प्रचंड वायरल झाला आहे. ३३ सेकंदांच्या व्हिडिओने सोलापुरातील नागरिकांमध्ये घबराटीचे वातावरण निर्माण झाले आहे. हा थरार शनिवारी रात्री ७:४७ मिनिटांच्या सुमारास घडला आहे. या प्रकरणी ज्वेलरचे मालक दीपक वेदपाठक यांनी विजापूर नाका पोलिस ठाण्यात रात्री उशिरा तक्रार दिली आहे. घटनेची माहिती मिळताच वरीष्ठ पोलीस अधिकारी घटनास्थळी ताबडतोब दाखल झाले.

कोयता आणि बंदुकीच्या धाकावर दरोड्याचा प्रयत्न

सीसीटीव्ही कॅमेरा कैद झालेले संशयीत दरोडेखोर हे जेमतेम पंचवीस ते तीस वयाचे दिसत आहेत. ज्वेलर्स दुकानात घुसताच एकाने बॅगमधील कोयता बाहेर काढला, तर दुसऱ्याने कंबरेला लावलेली बंदूक बाहेर काढली. एकाने दुकानात फिरून कामगारांना भीती दाखविली, तर कोयता हातात घेतलेल्याने बॅग भरण्याचा इशारा दिला.

भेदरलेल्या दुकानदाराने आरडाओरडा करताच पळ काढला

चोरट्यांनी हातातील कोयता वेदपाठक यांच्या गळ्यापर्यंत नेला. भीतीपोटी दुकानदार दुसऱ्या बाजूला सरकले. दुसऱ्या एका चोराने हातातील कोयता काऊंटरवरील काचेतर मारून काच फोडली. त्याच वेळी वेदपाठक यांनी जोरात आवाज केला, सराफ दुकानधारकाने आरडाओरडा केल्याने चोर भेदरले, लगेच तेथून काढता पाय घेतला. या घटनेची माहिती कळताच विजापूर नाका पोलिस ठाण्याचे वरिष्ठ पोलिस निरीक्षक दादा गायकवाड घटनास्थळी दाखल झाले. त्यानंतर याची माहिती वरिष्ठांना कळविली. माहिती मिळताच पोलिस उपायुक्त विजय कबाडे, डॉ. अश्विनी पाटील, एसीपी दिलीप पवार, आदींनी घटनास्थळी भेट देत पुढील सूत्रे हलविली.