जिल्ह्यातील कन्नड तालुक्यातील आदर्श गाव असलेल्या वाकी येथील पशुप्रेमी हरिदास बाजीराव जंजाळ यांचा हा कॅप्टन नावाचा हिंदकेसरी बैल आहे. जंजाळ कुटुंब हे पशुप्रेमी आहे. हरिदास जंजाळ हे पशुपालन क्षेत्रातील नावलौकिक प्राप्त आहेत. ते उत्तम जातीचे जनावरे घेऊन त्यांना नियमित देखभाल, संतुलित आहार, तसेच त्यांना प्रशिक्षण देण्याचं काम करतात. याच कामातून त्यांनी मैसूर ठीलारी जातीच्या कॅप्टन बैलाला तयार केलं होतं.
Chhatrapati Sambhajinagar : तुझं आणि माझं इन्स्टावरचं प्रेम! 16 व्या वर्षी पोरीने ‘बबड्या’साठी गुजरात गाठलं, भाऊबीजेला आली पण… छ. संभाजीनगरमधील घटना
कॅप्टनला सांभाळत असताना जंजाळ यांनी दोन गडी देखभाली साठी ठेवले होते. त्याचबरोबर दुधासाठी दोन गाई विकत घेतल्या. दोन गाई सकाळ-संध्याकाळ पाच पाच लिटर दूध देत. हे दूध कॅप्टनला नियमित दिल जात होतं. कॅप्टनला नियमित आंघोळ घालावी लागत होती. तो मॅट शिवाय खाली बसत नव्हता. कॅप्टनचे वजन दोन क्विंटल 80 किलो व उंची पाच फूट सहा इंच होती. या सौंदर्यामुळे कॅप्टन ची ओळख एक आदर्श बैल म्हणून पंचक्रोशीत निर्माण झाली होती. हरिदास जंजाळ हे कॅप्टनला एका स्पर्धेसाठी घेऊन गेले असता स्पर्धेदरम्यान उत्तर प्रदेश येथील रामप्रसाद राठोड या पशुप्रेमीची नजर कॅप्टन वर पडली. अन तिथेच त्याने कॅप्टनला खरेदी करण्याचं ठरवलं. यातून 16 लाख 51 हजार रुपयांमध्ये कॅप्टनची विक्री झाली आहे.
‘सत्ता आली तर ग्रामदैवताला सोन्याचा मुकुट चढवेन’, अन् बाळासाहेबांनी शब्द पाळला, छ. संभाजीनगरच्या पहिल्या निवडणुकीतला चमत्कार
कॅप्टन बैल आमच्यासाठी फक्त बैल नव्हता तर कुटुंबातील एक सदस्य होता. कॅप्टनचा सांभाळ करणे म्हणजे आमच्यासाठी एक अभिमानाचा विषय होता. तो आमच्यापासून दूर गेल्याच दुःख कायम राहणार आहे. मात्र पशुपालनातून एवढ्या मोठ्या प्रमाणात उलाढाल होते याची माहिती पंचक्रोशीत झाली आहे. यामुळे पशुपालन करण्याकडे तरुण शेतकरी आकर्षित होत आहेत अशी प्रतिक्रिया मालक हरिदास जंजाळ यांनी दिली आहे.